Kabo-verdelik darvozabon Vozinya faoliyatini Marokashda davom ettirishi mumkin

2026-08-02 03:09:01 / Kiritdi: BestMaster  O'qilgan: 19830

Kabo-Verde terma jamoasining 40 yoshli darvozaboni Vozinya Marokash chempionatining "Berkan" jamoasi bilan muzokaralar olib bormoqda.

Manbaga ko'ra, erkin agent maqomida bo'lgan darvozabon klub bilan shaxsiy shartnomasining so'nggi tafsilotlarini muhokama qilmoqda.

Avvalroq, "Kolo-Kolo" prezidenti Anibal Moza Vozinya faoliyatini Chili klubida davom ettirishi haqidagi ma'lumotni tasdiqlagan edi. Ammo, futbolchi jamoa qarorgohiga kelmadi.

Vozinya 2026-yilgi jahon chempionatida ishtirok etdi, 

u yerda Kabo-Verde terma jamoasi 1/16 finalda Argentina terma jamoasiga qo'shimcha bo'limlarda imkoniyatni boy berdi (2:3). Turnir boshlanishidan oldin darvozabonning ijtimoiy tarmoqdagi akkauntiga 56 mingga yaqin odam obuna bo'lgan bo'lsa, hozirda uning 29,5 million obunachisi bor.

JCH-2026dan so'ng futbolchining Transfermarkt’dagi narxi 10 barobarga - 50 ming evrodan 500 ming evrogacha oshdi.

Teglar: kabo-verdelik, darvozabon, vozinya, faoliyatini, marokashda, davom, ettirishi, mumkin,
← OldingaOrqaga →