Rasman: Vozinya “Kolo-Kolo” bilan shartnoma imzoladi

2026-08-04 12:21:01 / Kiritdi: BestMaster O'qilgan: 1956

Kabo-Verde terma jamoasining 40 yoshli darvozaboni Vozinya “Kolo-Kolo” o'yinchisiga aylandi.

Bu haqda Chili klubi matbuot xizmati ma'lum qildi.

“Vozinya - endi “Kolo-Kolo” o'yinchisi”, – deyiladi klub xabarida.

Kelishuv muddati ochiqlanmagan, ammo Transfermarkt ma'lumotlariga ko'ra, shartnoma 2026 yilning 31 dekabrigacha mo'ljallangan.

Vozinya 2026 yilgi Jahon chempionatida to'rtta o'yinda maydonga tushib, ularning ikkitasida o'z darvozasi daxlsizligini saqlab qoldi. Darvozabonning “Kolo-Kolo”ga o'tishdan oldingi oxirgi klubi Portugaliya ikkinchi divizioni vakili “Shavish” bo'lgandi.

Posbon o'tgan mavsum barcha musobaqalarda 19 ta uchrashuvda ishtirok etib, shulardan oltitasida darvozasini “quruq” saqladi. Transfermarkt portalida keltirilgan ma'lumotlarga ko'ra, futbolchining transfer qiymati 500 ming evroni tashkil etadi.

Teglar: rasman, vozinya, “kolo-kolo”, bilan, shartnoma, imzoladi,
← Oldinga Orqaga →