100 million kammi? “Liverpul” Fransiya terma jamoasi a'zosi uchun kurashmoqda

2026-08-04 12:51:01 / Kiritdi: BestMaster  O'qilgan: 2202

Mashhur insayder Fabricio Romanoning xabar berishicha, “Liverpul” va “Pari Sen-Jermen” vinger Bredli Barkolya transferi bo'yicha rasmiy muzokaralarni boshladi.

Ma'lumotlarga ko'ra, Angliya klubi boshlang'ich taklif summasini 100 million evrodan ortiq deb belgilagan, biroq bu summa parijliklarning talabidan ancha past.

Takidlanishicha, Barkolyaning o'zi “Liverpul”ga o'tishdan manfaatdor. Avvalroq Romano futbolchining bu istagi may oyidayoq paydo bo'lgani haqida xabar bergandi.

PSJ vingeri o'tgan mavsum barcha turnirlarda 49 ta o'yinda maydonga tushib, o'z hisobiga 13 ta gol va 7 ta golli uzatmani yozdirib qo'ydi.

Transfermarkt portalida keltirilgan ma'lumotlarga ko'ra, futbolchining transfer narxi 90 million evroni tashkil etadi.

Teglar: million, kammi?, “liverpul”, fransiya, terma, jamoasi, azosi, uchun, kurashmoqda,
← OldingaOrqaga →