"Natija har narsadan ustun" - Yuriy Utkulbaev

2026-08-04 23:18:02 / Kiritdi: BestMaster  O'qilgan: 2564

Proliga 13-turidan o'rin olgan "Kattaqo'rg'on" - "Paxtakor FJ" (2:0) uchrashuvidan so'ng “Kattaqo'rg'on” bosh murabbiyi Yuriy Utkulbaev o'z fikrlari bilan o'rtoqlashdi.

- Bugungi g'alaba va o'yin haqida nima deya olasiz?

- Yutdik, uch ochkoni qo'lga kiritdik. Raqib jamoasida yaxshi yigitlar yig'ilgan ekan. Biroq biz himoyada ishonchli o'ynadik va ularga xavfli vaziyat yaratishga deyarli imkon bermadik. Boshqa masala shundaki, o'zimiz ham ko'plab imkoniyatlardan foydalana olmadik. O'ylashimcha, birinchi bo'limdayoq o'sha 100 foizlik imkoniyatlarimizni golga aylantirganimizda, o'yin oxirrog'ida xotirjamroq harakat qilgan bo'lardik. Lekin baribir yakunda g'alaba qozondik. Balki tomoshaboplik nuqtayi nazaridan hali eng yaxshi o'yinimizni ko'rsata olmagandandirmiz, ammo hozircha natija har narsadan ustun.

- “Kattaqo'rg'on”ning o'yin boshidan, yani ilk daqiqalardan kuchli pressing qilishi yigitlarda charchoqni yuzaga chiqardimi, chunki keyinchalik "Paxtakor FJ" ko'proq to'p nazoratiga ega bo'ldi. Bu borada nima deya olasiz?

- Ha, ular to'p bilan ko'proq bo'lishdi, lekin hech qanday xavfli vaziyat yarata olishmadi.

- Jamoaga yana yangi, yosh futbolchilarni taklif qilish rejangiz bormi?

- Hozircha bilmayman. Biz mavsumda, chempionatda o'ynash bilan bandmiz. Agar yaxshi futbolchilar paydo bo'lsa, albatta mamnuniyat bilan jamoaga qabul qilamiz.

Teglar: natija, narsadan, ustun, yuriy, utkulbaev,
← OldingaOrqaga →