Infantino Marokashga JCH-2030 finalini vada qildi

2026-08-05 21:57:01 / Kiritdi: BestMaster  O'qilgan: 2564

FIFA prezidenti Janni Infantino Qirollik Marokash futbol federatsiyasiga (FRMF) Xalqaro futbol federatsiyasining bo'lajak saylovlarida uning nomzodini qo'llab-quvvatlashi evaziga JCH-2030 finalini ushbu mamlakatda o'tkazishni vada qildi.

Avvalroq FRMF rahbari Fauzi Lekja Infantinoning jahon chempionati tijoriy huquqlaridagi ulushlarni xususiy investorlarga sotishni nazarda tutuvchi FIFA Forward Enterprise (FFE) loyihasini amalga oshirishdan voz kechish qarorini qo'llab-quvvatlagan edi. Mojarolar fonvida Infantino bosim ostida qoldi va federatsiyalar uning rahbarligiga shubha bilan qaramoqda. Hozirda u Marokash poytaxtida bo'lib turibdi va turli mamlakatlarni uni qo'llab-quvvatlashi haqida bayonot berishga ko'ndirishga urinmoqda. Chorshanba kuni ertalab Janni Rabatda o'z xodimlarini favqulodda yig'ilishga chaqirdi. Takidlanishicha, u asosiy tarafdorlaridan biri va 2034 yilgi jahon chempionati mezboni Saudiya Arabistonining sukut saqlayotganidan xavotirda. Marokash o'n yil oldin saylanganidan beri Infantinoning eng sodiq tarafdori hisoblanadi. Ushbu mamlakatni keyingi jahon chempionati mezbonlaridan biriga aylantirish orqali u qo'llab-quvvatlov uchun minnatdorchilik bildirgani taxmin qilinmoqda. Qolaversa, The Times xabariga ko'ra, FIFA rahbari ko'mak evaziga Ispaniya, Portugaliya va Marokash mezbonlik qiladigan JCH-2030 finali Madriddagi "Santyago Bernabeu"da emas, balki Kasablankada qurilayotgan, 115 000 muxlisni sig'diradigan yangi "Xassan II" stadionida o'tkazilishini vada qilgan. Shu bilan birga, FIFA prezidenti tomonidan final o'tkaziladigan joy yuzasidan qabul qilingan har qanday qaror majburiy kuchga ega emas va agar Infantino 2027 yildagi saylovlarda mag'lub bo'lsa, uning vorisi tomonidan o'zgartirilishi mumkin.

Teglar: infantino, marokashga, jch-2030, finalini, vada, qildi,
← OldingaOrqaga →