Afrika futbol konfederatsiyasi JCH huquqlarini sotish janjali fonida FIFAni qo'llab-quvvatladi

2026-08-07 09:51:01 / Kiritdi: BestMaster  O'qilgan: 1370

Afrika futbol konfederatsiyasi (KAF) FIFA jahon chempionati huquqlarining bir qismini sotish rejalari uchun kechirim so'ragan bayonotidan so'ng FIFA prezidenti Janni Infantino va tashkilot bosh kotibi Mattias Grafstryomni qo'llab-quvvatladi.

"KAF FIFA prezidenti Janni Infantino va bosh kotib Mattias Grafstryomning qo'shma bayonotini olqishlaydi va to'liq qo'llab-quvvatlaydi. Biz Afrika futboli dunyodagi eng yaxshilar qatoridan o'rin olishi uchun ishlashni davom ettiramiz, shuningdek, korporativ boshqaruv, shaffoflik va auditning global standartlariga sodiqligimizni tasdiqlaymiz.

Biz uchun, Afrikada, to'g'ri boshqaruv, qonuniy proceduralar va shaffoflik principlariga rioya qilish muhim ahamiyatga ega va muhokama qilinmaydi. Biz hukumatlarimiz, biznes va boshqa tashkilotlardan aynan shunday xulq-atvorni kutamiz. KAF ham xuddi shunday standartlarga rioya qilishga majbur…

Biz boshqaruv, proceduralarning qonuniyligi va shaffoflik sohasidagi eng yaxshi jahon amaliyotlarini himoya qilish va ularga rioya etish, shuningdek, butun dunyoda futbolni rivojlantirishga ko'maklashish uchun FIFA, uning milliy assotsiatsiyalari, boshqa futbol konfederatsiyalari va barcha manfaatdor tomonlar bilan yaqindan hamkorlik qilishni davom ettirmoqchimiz", – deyiladi KAF prezidenti Patris Motsepe bayonotida.

Teglar: afrika, futbol, konfederatsiyasi, huquqlarini, sotish, janjali, fonida, fifani, qollab-quvvatladi,
← OldingaOrqaga →