Superliga. "Lokomotiv" – "Dinamo" (matnli translyatsiya)

2026-08-07 20:36:01 / Kiritdi: BestMaster  O'qilgan: 2120

Superliga 16-turidan joy olgan bahs boshlandi.

Superliga

16-tur

“Lokomotiv” – “Dinamo” 2:1

Toshkent. "Lokomotiv" stadioni. 19:30

Bosh hakam: Nayim Qosimov

Yordamchi hakamlar: Farxod Usmonov, Elnur Doniyorov

Zaxira hakami: Alisher Abduvohidov

VAR: G'ayrat Jo'raev

AVAR: Maksim Nexochin

Nazoratchi: Baxtiyor Namozov

Komissar: Sherzod Rajabov

Gollar: 0:1 – 7, Jaloliddin Jumaboev (Tigran Avanesyan); 1:1 – 29, Diyorjon Turopov (Suhrob Nurulloev); 2:1 – 34, Temurxo'ja Abduxoliqov (Suhrob Nurulloev)

"Lokomotiv": 12.Nikita Shevchenko, 9.Suhrob Nurulloev, 10.Shodiyor Shodiboev, 11.Temurxo'ja Abduxoliqov, 15.Aleksandr Shushnyar, 17.Sardor Mirzaev, 18.Aleksandr Kucherenko, 23.Diyorjon Turopov, 28.Shuhrat Muhammadiev, 33.Oleg Zoteev, 45.Yovan Nishich.

Zaxira: 16.Danil Baklanov, 7.Quvonchbek Abraev, 8.Bilol Tupliev, 14.Nikolay Ivanov, 22.Sunnatilla Poyonov, 26.Abdulloh Yo'ldoshev, 61.Nurlan Ibraimov, 70.Muhammadali Reimov, 99.Jasur Yaxshiboev.

"Dinamo": 1.Edem Nemanov, 3.Mixail Shtefan, 7.Sanjar Qodirqulov, 15.Rasul Yo'ldoshev, 19.Tigran Avanesyan, 20.Jaloliddin Jumaboev, 25.Oybek O'rmonjonov, 26.Marko Stanoevich, 30.Xaris Xaydarevich, 37.Firdavs Abdurahmonov, 77.Behruzbek Oblaqulov.

Zaxira: 71.Sarvar Karimov, 2.Artyom Radaev, 4.Nurillo To'xtasinov, 14.Bahodir Nasimov, 17.Salim Mustafoev, 18.Raul Jeparov, 21.Jahongir Abdusalomov, 22.Ulug'bek Abdullaev, 24.Akbar Xudoyberdiev.

⏸️ 45+3' Birinchi bo'lim yakunlandi! Bosh hakam xushtagini chalib, jamoalarni tanaffusga taklif etdi. Birinchi bo'limdan so'ng hisob – 2:1, "Lokomotiv" oldinda.

45' Birinchi bo'limning asosiy vaqti tugadi. Bosh hakam tomonidan 3 daqiqa vaqt qo'shib berildi.

41' Shodiyor Shodiboev va Tigran Avanesyan o'rtasidagi to'qnashuvdan so'ng maydonda kichik mayda janjal yuzaga keldi. Bosh hakam futbolchilarni tinchlantirdi va o'yinni davom ettirdi.

⚽ 34' GOL! "Lokomotiv" hisobda oldinga chiqib olmoqda! Mezbonlarning o'z himoya chizig'idan boshlangan hujumi samarali yakunlandi. Suhrob Nurulloev maydon markazidan nozik kesma uzatma bilan Temurxo'ja Abduxoliqovga imkoniyat yaratdi. Jarima maydoni ichiga yorib kirgan Abduxoliqov darvozaning olis burchagini aniq nishonga oldi – 2:1.

⚽ 29' GOL! "Lokomotiv" hisobni tenglashtirmoqda! Chap qanotdan boshlangan hujumda Aleksandr Shushnyar uzun uzatma bilan Suhrob Nurulloevni oldinga chorladi. Nurulloev to'pni jarima maydoni ichida qabul qilib, Diyorjon Turopovga uzatdi. Turopov to'pni o'ziga to'g'rilab olgach, penalti nuqtasi atrofidan raqib darvozasini aniq nishonga oldi – 1:1.

⚠️ 20' XAVFLI VAZIYAT! Behruzbek Oblaqulov raqib darvozaboni bilan birga-bir vaziyatga chiqib ketishi mumkin edi. Biroq Nikita Shevchenko o'z vaqtida oldinga chiqib, to'pni qiyinchilik bilan egallab oldi.

17' "Dinamo" yarimhimoyachisi Marko Stanoevich olis masofadan zarba berdi, to'p darvoza to'sini yuqorisidan o'tib ketdi.

⚠️ 12' XAVFLI VAZIYAT! "Lokomotiv" a'zosi Suhrob Nurulloev jarima maydoni ichidan kuchli zarba yo'lladi. "Dinamo" darvozaboni Edem Nemanov ishonchli harakat qilib, to'pni qaytarib yubordi.

⚽ 7' GOL! "Dinamo" hisobni ochmoqda! Jaloliddin Jumaboevning uzoq masofadan yo'llagan erlatib zarbasidan so'ng Nikita Shevchenko to'pni egallashda qo'pol xatoga yo'l qo'ydi va to'p darvoza to'ridan joy oldi – 0:1.

⚠️ 6' XAVFLI VAZIYAT! "Lokomotiv" chap qanotdan xavfli hujum tashkil etdi. Shodiyor Shodiboev jarima maydoni ichidan zarba yo'lladi, biroq to'p himoyachiga tegib, maydonni tark etdi. Korner.

1' O'yinga start berildi. Uchrashuvni mezbonlar maydon markazidan to'pni o'yinga kiritib boshlab berishdi.

Jamoalar maydonga chiqib kelishdi. "Lokomotiv" a'zolari qizil, "Dinamo" futbolchilari esa ko'k rangli liboslarda harakat qilishadi.

Teglar: superliga, lokomotiv, dinamo, matnli, translyatsiya,
← Bosh sahifaOrqaga →