"Real" yana bir jahon chempioni bilan shartnoma imzolashi mumkin

2026-08-09 09:18:01 / Kiritdi: BestMaster  O'qilgan: 5426

Madridning "Real" klubi "Arsenal" yarim himoyachisi Martin Subimendini sotib olishga yana bir bor urinib ko'rishi mumkin.

Bu haqda "Mundo Deportivo" nashri xabar beradi.

"Qirollik klubi" "Manchester Siti" yarim himoyachisi Rodrining transferi barbod bo'lganidan so'ng tarkibni kuchaytirish variantlarini ko'rib chiqishi mumkin.

Subimendi muqobil variantlardan biri hisoblanadi. "Real" uni o'tgan yozda sotib olmoqchi edi, biroq o'shanda ispaniyalik futbolchi "Arsenal"ni tanlagan edi.

Bruno Gimarayns bilan shartnoma imzolangach, "kanonirlar" futbolchini 90 million evrodan qimmatroqqa sotish variantini ko'rib chiqishga tayyorlar.

Shuningdek, Subimendiga "Chelsi" bosh murabbiyi Xabi Alonso ham qiziqish bildirmoqda.

Teglar: yana, jahon, chempioni, bilan, shartnoma, imzolashi, mumkin,
← OldingaOrqaga →