Jamoasi safidagi ilk o'yinidayoq darvozani munosib qo'riqlagan darvozabon, trivela zarbasi bilan gol urgan legioner - Superligada 16-tur laureatlari

2026-08-09 18:39:01 / Kiritdi: BestMaster  O'qilgan: 434

Championat.asia sayti O'zbekiston Superligasi 16-turining eng yaxshilarini aniqladi.

16-turning eng yaxshi darvozaboni - Umid Ergashev (“Xorazm”)

“Xorazm” yangi darvozaboni Umid Ergashev jamoa safidagi ilk o'yinidayoq darvozani munosib qo'riqladi. 27 yoshli posbon “Mashal”ga qarshi kechgan bahsda (2:0) 6 ta seyv namoyish etib, darvozani “quruq” saqladi. Shu tariqa, Championat.asia xodimlari aynan Ergashevni tur darvozaboni deb topdi.

16-turning eng yaxshi murabbiyi - Mirko Yyelichich (“Lokomotiv”)

“Lokomotiv” ortda qolgan turda ketma-ket 5 o'yindan beri mag'lubiyat nimaligini bilmay kelgan “Dinamo”dan ustun keldi (2:1). Jamoa birinchi bo'lib gol o'tkazib yuborgan bo'lsa-da, Turopov va Abduxoliqovning samarali harakatlari evaziga irodali g'alabaga erishdi. Shunday qilib, Abramov jamoasini mag'lub etgan Yyelichich turning eng yaxshi murabbiyi sifatida etirof etildi.

16-turning eng yaxshi futbolchisi - Jamshid Iskanderov (“Neftchi”)

“Neftchi” bu turda “Qizilqum”ni mehmon qilib, hech qanday imkoniyat qoldirmadi - 5:0. Uchrashuvda Jamshid Iskanderov top o'yin ko'rsatib, bitta gol urdi, bitta avtogol qayd etilishiga sababchi bo'ldi, shuningdek, hujumchi Pericaning golida assistentlik qildi. Shu tariqa, MTJning kreativ yarim himoyachisi tur futbolchisi nomiga loyiq ko'rildi.

16-turning eng chiroyli goli muallifi - Vladimir Rodich (“Buxoro”)

“Buxoro” bu turda o'ziga xos iroda ko'rsatib, Toshkentda “Paxtakor” bilan 0:2 ni 2:2 ga aylantira oldi. Bunda albatta trivela uslubidagi zarbasi orqali darvozani ishg'ol etgan chernogoriyalik yarim himoyachi Vladimir Rodichning ham o'rni katta. Uning 75-daqiqada Sanjar Quvvatov darvozasiga kiritgan to'pi mavsumning eng unutilmas gollaridan biri bo'ldi va haqli ravishda 16-turning eng chiroiyli goli deb topildi.

Teglar: jamoasi, safidagi, oyinidayoq, darvozani, munosib, qoriqlagan, darvozabon, trivela, zarbasi, bilan, urgan, legioner, superligada, 16-tur, laureatlari,
← OldingaOrqaga →