Brayan Riaskos "Paxtakor"ga qarshi o'yin oldidan "Al Hussayn" muxlislariga murojaat yo'lladi
/ Kiritdi: BestMaster O'qilgan: 2476
Iordaniyaning "Al Hussayn" jamoasi safiga kelib qo'shilgan kolumbiyalik hujumchi Brayan Riaskos yangi klubi muxlislariga o'zining dastlabki murojaatini yo'lladi.
Tajribali futbolchining murojaati Elit Osiyo Chempionlar Ligasi saralash bosqichi doirasida sobiq jamoasi – Toshkentning "Paxtakor" klubiga qarshi kechadigan muhim uchrashuv oldidan e'lon qilindi.
Bir necha kun ilgari "Al Hussayn"ning Toshkentda o'tayotgan o'quv-mashg'ulot yig'iniga yetib kelgan 31 yoshli hujumchi o'z nutqida quyidagi fikrlarni bildirib o'tdi:
"Al Hussayn" jamoasida ekanligimdan juda xursandman. Sizlarga ko'plab quvonch baxsh etaman degan umiddaman. Ko'rishguncha".
Eslatib o'tamiz, Brayan Riaskos o'zbekistonlik muxlislarga begona emas. U o'tgan mavsum davomida aynan "Paxtakor" sharafini himoya qilgan bo'lib, "sherlar" tarkibida jami 31 ta uchrashuvda maydonga tushgan hamda o'z hisobiga 10 ta gol va 5 ta golli uzatmani yozdirib qo'yishga muvaffaq bo'lgan edi. Endilikda u sobiq jamoadoshlariga qarshi Iordaniya klubi libosida maydonga tushishga tayyorgarlik ko'rmoqda.
Teglar: brayan, riaskos, paxtakorga, qarshi, oyin, oldidan, hussayn, muxlislariga, murojaat, yolladi,
← OldingaOrqaga →

Bosh sahifaga
653
10 Avgust 2026, 17:32