Dunyoning uchinchi eng boy insoni “Liverpul” egalaridan biriga aylanadi

2026-08-11 13:36:02 / Kiritdi: BestMaster  O'qilgan: 1584

Dollarlik milliarder va Amazon marketpleysi asoschisi Jeff Bezos “Liverpul” akciyalarini sotib olishga qiziqish bildirgan boylar guruhiga qo'shiladi.

“Daily Mail” nashriga ma'lum bo'lishicha, Forbes tomonidan 2025 yilda boyligi 215 milliard dollarga baholangan dunyoning uchinchi eng boy odami klubning 30 foizlik akciyasini qo'lga kiritishga intilayotgan konsorciumning eng ko'zga ko'ringan a'zosiga aylanadi.

Ushbu hajmdagi akciyalar bo'yicha bitim “Liverpul”ning amerikalik egalari - Fenway Sports Group bilan tuzilishi va deyarli 1,5 milliard dollarga baholanishi kutilmoqda. Bitimning o'zi esa yakunlanish arafasida va u eng kechi bilan 24 avgustgacha rasman tasdiqlanadi.

Bezosdan tashqari, konsorcium tarkibiga avvalroq xabar berilganidek, po'lat quyish giganti Lakshmi Mittalning kuyovi Amit Bxatiya, shuningdek, Mark Cukerbergning kursdoshi va Facebook hammuassisi, boyligi 28 milliard dollardan sal ko'proqqa baholanayotgan Eduardo Saverin kiradi. Konsorciumga aynan Bxatiya boshchilik qilishi kutilmoqda.

Teglar: dunyoning, uchinchi, insoni, “liverpul”, egalaridan, biriga, aylanadi,
← OldingaOrqaga →