“Neftchi” yangi futbolchisi Fransiya saytiga intervyu berdi

2026-08-11 16:33:01 / Kiritdi: BestMaster  O'qilgan: 1048

Farg'onaliklar a'zosiga aylangan Koffi Kuao Fransiyaning 225foot.com nashriga O'zbekiston chempionatiga o'tishi borasida fikrlarini bildirib o'tdi.

Kot-d'Ivuar terma jamoasi himoyachisi uchun bu kutilmagan, ammo ambiciyali qaror bo'ldi. 2026 yilning iyul oyida “Mec” klubi bilan xayrlashgach erkin agentga aylangan Koffi Kuao (28 yosh) tezda o'ziga yangi sport loyihasini topdi.

O'ng qanot himoyachisi “Neftchi” klubi bilan rasman shartnoma imzoladi. U o'zbekistonliklar bilan bir mavsumlik, yani 2027 yilning 30 iyuniga qadar mo'ljallangan kelishuvga erishdi.

225foot nashriga bergan intervyusida ivuarlik futbolchi faoliyatidagi ushbu yangi bosqich, qarorining sabablari va O'zbekiston chempionatida maydonga tushishga oshiqayotgani haqida gapirib o'tdi:

“Mec”dagi faoliyatim va iyulda shartnomam yakuniga etgach, o'zimni to'liq kerakli his qiladigan loyihani tanlash uchun shoshmaslikni maqul ko'rdim. “Neftchi” varianti paydo bo'lganida, klub rahbariyatining rejalari menga maqul keldi. O'zbekiston chempionatini kashf etish - men uchun juda qiziqarli chorlov va ham insoniy, ham sport nuqtayi nazaridan yangi sarguzasht.

O'zining taktik bilimi va Yevropa futbolidagi tajribasini yangi jamoasiga berishga ahd qilgan Koffi Kuao ushbu mavsum uchun katta maqsadlarni qo'ymoqda:

“Men bu erga kamtarlik, ammo o'ng qanotda tajribam, tezligim va agressiv o'yinimni ko'rsatish niyatida keldim. Bu yangi futbol, yangi madaniyat va men joriy mavsumda klubga o'z oldiga qo'ygan maqsadlariga erishishda yordam berish uchun bor kuchimni berishga tayyorman. Hammasini maydon ko'rsatadi!”

Teglar: “neftchi”, yangi, futbolchisi, fransiya, saytiga, intervyu, berdi,
← OldingaOrqaga →