Messi otasining o'limi haqida: bunga ishona olmayman va istamayman
/ Kiritdi: BestMaster O'qilgan: 1578
Argentina terma jamoasi hujumchisi Lionel Messi marhum otasiga maktub e'lon qildi.
Xorxe Messi o'tgan juma kuni uzoq davom etgan xastalikdan so'ng 68 yoshida hayotdan ko'z yumdi.
"Dada, men hamon sizning yo'qligingizga ishona olmayman. Bunga ishona olmayman, aniqrog'i – istamayman. Sizni endi ko'rmasligimizni, boshqa hech qachon gaplashmasligimizni tasavvur qilish men uchun juda og'ir. Bilaman, siz qiynaldingiz va bu yaxshilikka, ammo siz juda erta ketdingiz. Oldimizda birgalikda zavqlanishimiz mumkin bo'lgan hali ko'p narsalar bor edi.
Siz so'nggi jahon chempionatida o'ynashimni juda qattiq so'ragandingiz, uning boshlanishiga bir necha kun qolganida esa ahvolingiz yomonlashgandi. Bu siz yonimda bo'lmagan ilk turnirim edi. Ammo oyim sizning ahvoling yaxshilanishini va kela olishingizni aytgandi. Sizni kelishingiz uchun finalgacha yetib borishimizni aytgandim.
Har safar o'yindan so'ng sizning xabaringizni kutardim va juda sog'inadigandim. O'shanda ishlar chindan ham chatoq ekanini tushunib etdim. Ammo nima bo'lganda ham, imkon boricha uzoqroqqa borish, sizga hech bo'lmasa bitta o'yinni ko'rish imkoniyatini berish haqida o'ylashni davom ettirdim. Biz finalgacha yetib bordik, lekin siz baribir kela olmadingiz. G'alabani olib kelib, sizga yana bir mukofotni ko'rsatish uchun yutmoqchi edim. Lekin uddalay olmadim – oyoqlarim allaqachon itoat qilmay qolgan edi. Bu safar jismoniy holatimga qarshi borishga harakat qildim, ammo natija chiqmadi. O'zimni hech qachon normal his qila olmadim.
Kelganimda, siz finalda penaltilar seriyasida yutqazdik deb o'ylagandingiz. Biz sodir bo'lgan hamma narsa haqida gaplashib ulgurmadik. Siz hech narsadan xursand bo'la olmadingiz. Biz chempion bo'la olmadik, lekin har bir o'yindan qanchalik xursand bo'lganimizni tasavvur ham qila olmaysiz. Va yana bir bor siz haq bo'lib chiqdingiz – men o'sha yerda bo'lib, o'ynashim kerak edi. Bularning barini sizga aytyapman, chunki bu biz gaplashib ulgurmagan yagona narsa. Qolgan hamma narsani o'zingiz allaqachon bilasiz. Har kuni gaplashardik va imkoniyatlarim yo'l qo'yganda ko'rishardik.
Men sizsiz nima qilishimni bilmayman, bundan keyin qanday yashashni bilmayman. Butun hayotim davomida shunchaki futbol o'ynadim, endi esa buni davom ettiramanmi yoki yo'qmi va qancha davom etishiga shubha bilan qarayapman. Siz boshidan beri yonimda edingiz va oxiriga juda oz qolgandi. Nima uchun bu yo'lni birgalikda yakunlashimiz uchun yana biroz chidamadingiz?
Bilaman, oilangizning – xotiningizning, farzandlaringizning va ayniqsa – faqat boshqalar buni bilib qolmasligi uchun – futbol o'ynayotganimni ko'rishdan baxtli edingiz... Bolaligimdan shunday edi. Ishdan qaytiboq meni mashg'ulotlarga olib borardingiz. Ko'plab mashg'ulotlarga meni oyim olib borardi, chunki siz ishda bo'lardingiz. Lekin o'yinlarimni, albatta, hech qachon o'tkazib yubormasdingiz. Mening o'yinimni ko'rib shunchalik hayajonlanardingiz va shunchalik xursand bo'lardingiz, garchi maqtovlarda unchalik saxiy bo'lmasangiz ham.
Siz men uchun ota, do'st va agent edingiz. Har qanday vaqtda ham siz aynan kim bo'lishingiz kerak bo'lsa, o'sha bo'lgansiz va hech qachon yanglishmagansiz. Ayrim etirozlar va kelishmovchiliklarga qaramay, oxir-oqibat hamisha siz haq bo'lib chiqardingiz. Hammasi xuddi siz aytganingizdek bo'lardi.
Sizni juda sog'inaman, lekin siz hech qachon yonimdan ketmaysiz. Ayniqsa, farzandlarimni qanday tarbiyalayotganimda, chunki men ularni xuddi siz meni tarbiyalaganingizdek o'rgataman va tarbiyalayman. Oxiratingiz obod bo'lsin va bu yerda qilganingiz kabi bizni yuqoridan qo'riqlang. Hammasi uchun rahmat. Siz yaxshi ko'raman, dada ❤️", – deb yozdi Messi Instagramda.
Teglar: messi, otasining, olimi, haqida, bunga, ishona, olmayman, istamayman,
← OldingaOrqaga →
Bosh sahifaga
99
Bugun, 22:24