“Arsenal” yulduz vingerini faqat bir shart bilan sotishga tayyor

2026-08-17 13:21:01 / Kiritdi: BestMaster  O'qilgan: 1424

Gabriel Martinellining “Arsenal”dagi kelajagi noaniqligicha qolmoqda.

“Caught Offside” ma'lumotlariga ko'ra, “Napoli” 25 yoshli braziliyalik vingerning ehtimoliy transferi bo'yicha allaqachon London klubi bilan bog'lanib, tomonlar o'rtasida muzokaralarni boshlagan.

Martinellining o'zi avvalroq “Galatasaroy”ga o'tishni rad etgandi. Turkiya klubi taxminan 45 million evro taklif qilgan, biroq futbolchi faoliyatini Turkiyada davom ettirishga qiziqish bildirmagan.

Shunga qaramay, “Arsenal” braziliyalikni sotish variantini ko'rib chiqishga tayyor - lekin faqat bir shart bilan: klub avval hujumning chap qanotiga munosib o'rinbosar topishi lozim. Mikel Arteta tarkibning kengligiga ta’sir ko'rsatishni istamayapti, shu sababli Martinellining ketishi to'g'ridan-to'g'ri yangi futbolchi sotib olinishiga bog'liq bo'lib turibdi.

Qo'shimcha qilish kerakki, “Napoli” braziliyalik futbolchining xizmatlariga qiziqish bildirayotgan yagona klub emas. “Football Italia” ma'lumotlariga qaraganda, “Roma” ham Martinellini transfer maqsadlari qatoriga qo'shgan. Avvalroq esa braziliyalik vinger “Yuventus”ga o'tishi mumkinligi haqida ham xabarlar tarqalgan edi.

Teglar: “arsenal”, yulduz, vingerini, faqat, shart, bilan, sotishga, tayyor,
← OldingaOrqaga →