Islom Ismoilov: "Elit OCHLda yurtimiz sharafini munosib himoya qilamiz"

2026-08-18 14:27:01 / Kiritdi: BestMaster  O'qilgan: 1878

"Neftchi" jamoasi bosh murabbiyi Islom Ismoilov biroz oldin qur'a tashlangan Elit OCHLdagi raqiblar haqida fikrlarini bildirdi.

"Qur'a haqida gapiradigan bo'lsak, o'z nomi bilan bu - Osiyo Elita Chempionlar ligasi. Bunday darajadagi turnirda oson raqibning o'zi bo'lmaydi. Bu yilgi musobaqa o'tgan yilgilaridan ham murakkabroq kechishi aniq. Sababi, bu safar Saudiya Arabistonining top-klublariga qarshi maydonga tushamiz. Quvonarlisi, Saudiya Arabistonining uchta grand jamoasi aynan Farg'onaga tashrif buyuradi. Amaldagi chempion, "Al Ahli" hamda "Al Ittihod" kabi klublarning salohiyatini hamma juda yaxshi biladi.

Safar uchrashuvlarimiz ham engil kechmaydi, ularning ham o'ziga xos qiyinchiliklari va bosimi bor. Har bir o'yin keskin va og'ir kurashlar ostida o'tishi aniq. Lekin biz ushbu nufuzli musobaqada munosib ishtirok etish uchun bor imkoniyatimizni ishga solamiz. Hozirda jamoamiz tomonidan har tomonlama puxta tayyorgarlik jarayoni olib borilmoqda. Niyatimiz xolis - xalqaro maydonda yurtimiz va viloyatimiz sharafini munosib himoya qilish", – dedi farg'onaliklar ustozi.

Teglar: islom, ismoilov, elit, ochlda, yurtimiz, sharafini, munosib, himoya, qilamiz,
← OldingaOrqaga →