APL hakamlar va VAR o'rtasidagi suhbatlarni e'lon qiladi
/ Kiritdi: BestMaster O'qilgan: 4456
Angliya Premer-ligasi kelasi mavsumda chempionatdagi hakamlik shaffofligini oshirishga qaratilgan uchta yangi chora-tadbirni joriy qiladi.
BBC bergan ma'lumotlarga ko'ra, bahsli vaziyatlarni tushuntirib beruvchi va hakamlarning maosh/to'lovlariga ta’sir ko'rsatuvchi Asosiy o'yin epizodlari bo'yicha komissiya (KMI Panel)ning to'liq qarorlarini e'lon qilishdan tashqari, APL endi hakamning aynan nima sababdan ma'lum bir qarorni qabul qilgani yoki nima uchun VAR aralashuvi talab etilmagani haqidagi to'g'ridan-to'g'ri tushuntirishlarini ham ochiqlab boradi.
To'g'ri, o'yin vaqtida real vaqt (live) rejimida bu faqat matnli shaklda amalga oshiriladi. Hakam va VAR furgoni o'rtasidagi ovozli suhbatlarni to'g'ridan-to'g'ri efirda translyatsiya qilishga esa o'yin qoidalari bo'yicha hamon ruxsat berilmagan.
Uchinchi qadam sifatida RefCam (hakam kamerasi)dan foydalanish ko'lami kengaytiriladi. Bu ilk bor hakamning futbolchilar bilan bo'lgan audio suhbatlarini eshittirish imkonini beradi va aynan mana shu audioyozuvni to'g'ridan-to'g'ri efirda namoyish etish mumkin.
Eslatib o'tamiz, APLning yakunlangan mavsumida KMI Panel VAR tizimi tomonidan 25 ta holatda xatoga yo'l qo'yilganini tan oldi. Bu 2024/2025 yilgi mavsumga (18 ta xato) nisbatan ko'proq, biroq undan oldingi ikki mavsum ko'rsatkichlaridan kamroqdir: 2023/24 yilgi mavsumda 31 ta, 2022/23 yilgi mavsumda esa 38 ta xato qayd etilgan edi.
Teglar: hakamlar, ortasidagi, suhbatlarni, elon, qiladi,
← OldingaOrqaga →
Bosh sahifaga
163
Bugun, 06:01