"Hamon jamoani uning atrofida qurishni o'ylayapmiz". Simeone Alvares haqida

2026-08-19 11:24:02 / Kiritdi: BestMaster  O'qilgan: 1584

Madridning "Atletiko" klubi bosh murabbiyi Diego Simeone jamoada argentinalik hujumchi Xulian Alvaresdan qanday foydalanmoqchi ekanini aytib berdi.

"Biz hamon jamoani uning atrofida qurishni o'ylayapmiz. U kelganidan beri klub uchun juda ko'p narsa berdi", - dedi Simeone o'yinoldi matbuot anjumanida.

Alvaresning "Atletiko"dan ketishi haqidagi mish-mishlar hamon mavjud, ammo Madrid klubi futbolchini saqlab qolish bo'yicha qatiy poziciyani egallagan. Biroq Simeonening so'zlariga ko'ra, argentinalik futbolchi etarlicha yaxshi sport formasida emas va La Liganing 1-turidan o'rin olgan "Malaga"ga qarshi o'yinda maydonga tushmaydi.

Alvares "Atletiko"ga 2024 yilning yozida "Manchester Siti"dan 75 mln evro hamda 20 mln evro bonus evaziga o'tgan edi. Uning Madrid klubi bilan shartnomasi 2030 yilning yozigacha mo'ljallangan. O'tgan mavsumda forvard 49 ta o'yinda maydonga tushib, 20 ta gol urdi va to'qqizta golli uzatmani amalga oshirdi.

Teglar: hamon, jamoani, uning, atrofida, qurishni, oylayapmiz, simeone, alvares, haqida,
← OldingaOrqaga →