"Buxoro" "Neftchi"dan o'tib ketdi

2026-08-19 11:48:02 / Kiritdi: BestMaster O'qilgan: 354

Kecha Superliganing 18-tur o'yinlariga start berildi.

O'zbekiston chempionatining navbatdagi tur bahslari kutilmagan natijalar boshlandi. Buxoroda kechgan “Buxoro” - “Neftchi” uchrashuvi o'ziga hos sensacion natija bilan yakunlandi (4:1).

15 yillik noxush anana davom etdi

Joriy mavsumda safar o'yinlarida barqaror o'yin ko'rsatib kelayotgan "Neftchi" kutilmaganda Buxoroda mehmondagi ilk mag'lubiyatini qabul qilib oldi. Buning bilan Farg'ona klubining Superligadagi 11 o'yinlik mag'lubiyatsiz seriyasiga nuqta qo'yildi (jamoa oxirgi marta "Paxtakor"ga mag'lub bo'lgan edi).

Shuningdek, farg'onaliklarning 2011 yildan buyon Buxoroda g'alaba qozona olmaslik bilan bog'liq noxush ananasi bu yil ham davom etadigan bo'ldi. "Neftchi" 15 yildan beri bu shahardan 3 ochko bilan qayta olmayapti.

Buxoro - uyda chempion

"Buxoro" esa o'z maydonidagi ishonchli o'yinlari bilan muxlislarini quvontirishda davom etmoqda. Jamoa bu yil faqatgina "Paxtakor"ga imkoniyatni boy berib qo'ydi, xolos.

O'z maydonida ochko jamg'arish bo'yicha "Buxoro" hatto "Neftchi"dan ham o'zib ketdi. Ayni vaqtda buxoroliklar mezbon sifatida kechgan bahslarda 25 ochkoni qo'lga kiritib, eng yaxshi natijaga ega bo'lib turibdi.

Grandlarga qarshi ko'rsatkichlar

Turnir jadvalining yuqori qismi beshtalikdagi jamoalarga qarshi kechgan bahslarda ham "Buxoro"ning ustunligi ko'zga tashlanmoqda. Taqqoslash uchun:

"Neftchi": Kuchli beshlikdagi jamoalarga qarshi 5 ta o'yinda 5 ochko to'plagan.

"Buxoro": Kuchli beshlikdagi klublarga qarshi 7 ta uchrashuvda 10 ochkoni qo'lga kiritib, katta o'yinlarda xarakter ko'rsata olishini namoyish etdi.

Jamoaning yetakchilari - Esanov va Rodich haqida

Sherzod Esanov: To'ptepar joriy mavsumda 17 ta o'yinda maydonga tushib, 8 ta gol urishga erishdi. Eng e'tiborlisi, Esanov to'p kiritgan o'yinlarda "Buxoro" faqat 1 marotaba mag'lub bo'lib, umumiy hisobda 15 ochkoni o'z hisobiga yozib qo'ygan.

Vladimir Rodich: Tajribali legioner jamoaning ajoyib figurasiga aylangan. Rodich gol urgan yoki assist qilgan o'yinlarda "Buxoro" umuman yutqazmayapti. U 18 ta o'yinda 5 ta gol va 2 ta assist qayd etib, jamoasiga 11 ochko keltirdi.

Teglar: buxoro, neftchidan, otib, ketdi,
← Oldinga Orqaga →