Nikolas Jeksonga Ispaniyadan jamoa topildi
/ Kiritdi: BestMaster O'qilgan: 1370
"Atletiko" "Chelsi" hujumchisi Nikolas Jeksonni ijaraga olishni rejalashtirmoqda. Bu haqda Marca xabar berdi.
Manbaga ko'ra, Madrid klubining sport direktori Mateu Alemani payshanba kuni Londonga uchib borib, senegallik hujumchining ijara transferini muhokama qilgan.
"Atletiko" hujum chizig'ini kuchaytirish uchun bir nechta variantni ko'rib chiqmoqda, ammo Jekson nomzodi ustuvor hisoblanmoqda.
Madridliklar transfer amalga oshgan taqdirda, "Chelsi" futbolchining maoshining bir qismini to'lashda davom etishiga umid qilmoqda.
COPE ma'lumotiga ko'ra, "Chelsi" ham, Nikolas Jeksonning o'zi ham futbolchining Madrid klubiga o'tishi variantiga ijobiy munosabatda.
Jekson o'tgan mavsumni ijara asosida "Bavariya" safida o'tkazgan va Bundesligada 23 ta uchrashuvda 8 ta gol urgan.
Teglar: nikolas, jeksonga, ispaniyadan, jamoa, topildi,
← OldingaOrqaga →
Bosh sahifaga
510