Eto'O Infantino tomonda
/ Kiritdi: BestMaster O'qilgan: 1824
Kamerun futbol federatsiyasi prezidenti Samyuel Eto'O FIFA rahbari Djanni Infantino himoyasiga chiqdi.
Eslatib o'tamiz, iyul oyi oxirida FIFA Jahon chempionati huquqlarini sotish uchun yangi tijorat tuzilmasi - FIFA Forward Enterprise (FFE) tashkil etishni rejalashtirayotgani ma'lum bo'lgan edi. Keyinchalik Infantino futbol konfederatsiyalari tomonidan bildirilgan tanqidlar hamda UEFAga a'zo mamlakatlar tomonidan JCHni boykot qilish tahdidi fonida ushbu g'oyadan voz kechishga qaror qildi.
Shundan so'ng bir qator futbol federatsiyalari bo'lajak saylovlarda Infantino nomzodini qo'llab-quvvatlashni qaytarib olishdi.
"Prezident Djanni Infantino noto'g'ri ish qildi deb o'ylamayman. Menimcha, bularning barchasi uchun vaqt Djanni Infantino o'z nomzodini qo'yadigan saylovlar yaqinlashayotgani sababli tanlangan. Bularning barchasi saylovlar yaqinlashayotgani uchun sodir bo'ldi, xolos.
Prezident Djanni Infantino futbolni o'zgartirdi. U ilgari bunday imkoniyati bo'lmagan mamlakatlarga eng go'zal turnir – futbol bo'yicha jahon chempionatida ishtirok etish imkonini berdi. U kichik mamlakatlarga ushbu musobaqaga yo'llanma olishda yordam berdi.
U bizning qitamizga yordam berdi. U federatsiyalarimizning ancha tez rivojlanishiga ko'maklashdi va biz buni tan olishimiz kerak. Biz u qilgan ishlarni tan olishimiz lozim hamda amalga oshirgan barcha ishlari uchun uni qo'llab-quvvatlashimiz kerak", – dedi Eto'O.
Teglar: infantino, tomonda,
← OldingaOrqaga →
Bosh sahifaga
632
Bugun, 00:04