Maydondagi hodisalardan so'ng Musiala o'ynashda davom etadimi?
/ Kiritdi: BestMaster O'qilgan: 3518
"Bavariya" yarim himoyachisi Jamal Musiala to'rt kun ichida maydonda ikki bor hushidan ketganiga qaramay, to'liq sog'lom va futbol o'ynashda davom etadi - shifokorlar shunday tavsiya berishdi.
Bu haqda X ijtimoiy tarmog'ida xabar bermoqda.
"Bavariya" bosh murabbiyi Vensan Kompani yarim himoyachining yangi mavsumga tayyorgarligini yuqori baholamoqda. Murabbiy va futbolchi muntazam muloqot qilib turishadi, shaxsiy suhbatda esa Kompani Musialaga hozirda uni 2024 yilning yozida klubga kelganidan beri eng yaxshi o'yin formasida ko'rayotganini ochiq aytgan.
Klub bazasidagi kundalik muloqotlar futbolchining ishonchini mustahkamlamoqda: Musiala murabbiyning ishonchini va "Bavariya" rahbariyatining qo'llab-quvvatlashini his etmoqda. Manbaning xabar berishicha, futbolchi klub rejalarida "o'nlik" poziciyasi uchun asosiy nomzod bo'lib qolmoqda.
Avvalroq Musiala "Xaydenxaym"ga qarshi o'rtoqlik o'yinida (2:4) hushidan ketgan edi. Futbolchi maydonga tushganidan bir necha daqiqa o'tib o'zini yomon his qilgan. Bungacha, 15 avgust kuni 23 yoshli yarim himoyachi "RB Leyptsig"ga qarshi o'rtoqlik bahsida (3:1) hushidan ketgandi. Hodisa Musiala gol urganidan so'ng ko'p o'tmay, uchrashuvning 83-daqiqasida sodir bo'lgan edi.
Teglar: maydondagi, hodisalardan, song, musiala, oynashda, davom, etadimi?,
← OldingaOrqaga →
119613667398691 
Bosh sahifaga
764
Bugun, 15:49