Balotelli Italiya futbolidagi muammolarning sabablarini aytdi

2026-09-02 10:42:01 / Kiritdi: BestMaster  O'qilgan: 5630

"Manchester Siti" va Italiya terma jamoasining sobiq hujumchisi Mario Balotelli Italiya futbolidagi muammolar sababini ma'lum qildi.

"Muammolar juda oddiy. Men texnik emas, amaliy tushuntirishlar berishni afzal ko'raman. Bolaligimizda soatlab futbol o'ynardik. Esimda, to'p ko'rinmay qoladigan darajada qorong'i tushguncha ko'chada qolganim uchun onam meni urishardi.

Bugun Breshia kabi shaharlarda sayr qilar ekanman, bog'lardagi futbol maydonchalari bo'sh yotganini ko'raman. U yerda hech kim yo'q. Kompyuterlar, telefonlar va PlayStation juda ko'p narsani barbod qildi. Ammo eng asosiysi - ota-onalarning munosabati o'zgardi. Bugun etti yoshli bola uch kunda bir marta ikki soat futbol o'ynashi mumkin. Iqtidorlar esa ko'chalarda va bog'larda tug'iladi. Biz ko'p o'ynardik, ko'p o'rganardik va o'zimizdan kattaroq bolalar bilan bellashardik… Bugun esa bolalar telefonda o'tirishadi. Ular Ronaldinyo videolarini tomosha qilib, o'zlarini unga o'xshatishadi, men esa hovlida o'sha fintlarni qaytara olganim uchun o'zimni Ronaldo deb hisoblardim. Bu butunlay boshqa narsa", - deydi Balotellining so'zlarini The Guardian.

Balotelli yanvar oyidan beri BAAning "Al-Ittifak" klubida to'p surmoqda. Avvalroq u "Djenoa", "Monca", "Breshia", "Marsel", "Nicca", "Liverpul", "Manchester Siti", "Milan" va "Inter" klublarida o'ynagan.

Teglar: balotelli, italiya, futbolidagi, muammolarning, sabablarini, aytdi,
← OldingaOrqaga →