JCH-2026 g'olibi 31 yoshida termadagi faoliyatini yakunladi
/ Kiritdi: BestMaster O'qilgan: 760
"Atletiko" himoyachisi Markos Lorente Ispaniya milliy terma jamoasidagi faoliyatini yakunlaganini e'lon qildi.
31 yoshli futbolchi bu qaror uzoq o'ylangan va shaxsiy qaror ekanini ta'kidladi.
"Uzoq mulohazalardan so'ng terma jamoadagi faoliyatimni yakunlashga qaror qildim. Bilaman, ko'pchilik bu qarorimni tushunmasligi mumkin, ammo bu juda puxta o'ylangan va qalbimdan chiqqan qaror.
Ispaniya sharafini himoya qilish men uchun katta sharaf bo'ldi. Ayniqsa, so'nggi 52 kun va jamoamiz bilan Ispaniyani futbol cho'qqisiga olib chiqqanimiz umrim davomida yodimda qoladi. Barchaga rahmat", - deb yozdi Lorente.
Markos Lorente Ispaniya terma jamoasida 2020 yilning noyabridan buyon to'p surdi. U milliy jamoa safida 27 ta o'yinda qatnashib, 4 ta golli uzatma amalga oshirgan.
"Real Madrid" tarbiyalanuvchisi Ispaniya g'olib chiqqan JCH-2026da 3 ta uchrashuvda maydonga tushdi.
Teglar: jch-2026, golibi, yoshida, termadagi, faoliyatini, yakunladi,
← OldingaOrqaga →
Bosh sahifaga
341
4 Sentabr 2026, 06:16