Sergey Tokov: "Hujumda bizga mahorat yetishmayapti"

2026-09-04 01:54:01 / Kiritdi: BestMaster  O'qilgan: 12704

Superliganing 20-turini ochib bergan OKMK - "Xorazm" uchrashuvidan keyingi matbuot anjumanida xorazmliklar bosh murabbiyi Sergey Tokov matbuot anjumanida qatnashdi.

- OKMKni g'alaba bilan tabriklayman. O'yin og'ir o'tdi, maydon ham og'ir edi. Xato qildik va gol o'tkazib yubordik. Keyin esa o'yinga qaytish qiyin bo'ldi. Balki bu ruhiyatga bog'liqdir. Harakat qilyapmiz, lekin hujumda bizga sovuqqonlik yoki mahorat yetishmayapti. Qo'limizdan kelganini qilyapmiz, lekin har doim ham biz o'ylagandek bo'lmayapti.

- Ikkinchi bo'limda himoyachilaringiz ko'plab qo'pol xatolar qilishdi va raqiblar o'tib ketishdi.

- Fikringizga qo'shilaman. Qo'pol xatolar ko'p bo'ldi. Himoya borasida biz ko'p ishlayapmiz. Balki himoyachilar o'yin paytida bizni eshitmayotgandir yoki koncentraciya yetishmayotgandir. Bu nima bilan bog'liqligini bilmayapman. Futbolchilarning yoshi katta, balki, ular bilan o'zgarishlarni tezlikda amalga oshirish qiyin bo'layotgandir. Ular kuchga to'la vaqtida barcha ko'rsatmalarni bajara olishmoqda. Biroz charchaganada esa e'tibor yo'qolib qolyapti. Ikkinchi bo'limda bizga yaqindagina kelib qo'shilgan himoyachi maydonga tushdi. Ayrim joylarda u xayajonlangandir. Lekin xatolarimiz juda ko'p bo'ldi. Buni ko'rib chiqamiz.

- Abbos Otaxonov qachon safga qaytadi?

- U shug'ullanishni boshladi. Balki keyingi o'yinga tiklanib bo'lar. Uning tizzasidan jiddiy jarohati bor edi. Endi u sekinlik bilan umumiy guruh mashg'ulotlariga qo'shilmoqda.

Teglar: sergey, tokov, hujumda, bizga, mahorat, yetishmayapti,
← OldingaOrqaga →