FIFA UEFAni tuhmatda aybladi
/ Kiritdi: BestMaster O'qilgan: 702
Xalqaro futbol federatsiyasi (FIFA) Yevropa futbol assotsiatsiyalari ittifoqini (UEFA) o'ziga qarshi tuhmat kampaniyasi olib borishda aybladi.
Bu haqda “The Telegraph” xabar bermoqda.
Manba ma'lumotlariga ko'ra, UEFA AQSHning uchta sudiga davo arizasi bilan murojaat qilib, FIFA prezidenti Janni Infantinodan amalga oshmay qolgan futbol bo'yicha Jahon chempionati ulushlarini sotishga oid Fifa Forward Enterprise (FFE) rejasiga taalluqli barcha materiallarni oshkor qilishni talab qilgan.
Shuningdek, UEFA o'z hujjatlaridan birida o'zi va boshqa manfaatdor tomonlar "Shveytsariyada Infantino hamda, ehtimol, FIFAning boshqa mansabdor shaxslari va maslahatchilariga qarshi jinoiy davo qo'zg'atishga tayyorlanayotgani" haqida ogohlantirgan. Agar FIFA hujjatlarni tezkorlik bilan ochiqlashga rozi bo'lsa, uzoq davom etadigan sud jarayonining oldini olish mumkin, degan fikr mavjud.
Biroq shu hafta FIFA o'z bayonoti bilan javob qaytarib, suddan ushbu iltimosnomaga "qarshi chiqish"ni so'radi.
"Garchi bu [UEFA] bayonotlari sarlavhalar va ish raqamlari bilan yuridik hujjat sifatida rasmiylashtirilgan bo'lsa-da, ular UEFAning FIFA va uning rahbariyatiga qarshi tuhmat kampaniyasini qo'llab-quvvatlashga qaratilgan matbuot xabarnomasidan (press-reliz) boshqa narsa emas", – deya FIFA bayonoti mazmunini keltiradi “The Athletic”.
FIFA FFE rejasi "shunchaki bir taklif" bo'lganini takidlamoqda.
Teglar: uefani, tuhmatda, aybladi,
← OldingaOrqaga →
Bosh sahifaga
458
4 Sentabr 2026, 16:36