UEFA Infantinoni taxtdan tushirmoqchi, Anri esa futbolchilarni uyg'onishga chaqirmoqda
/ Kiritdi: BestMaster O'qilgan: 998
Fransiya terma jamoasi sobiq hujumchisi Terri Anri Xalqaro futbol federatsiyasiga (FIFA) qaratilgan tanqidlar fonida futbolchilarni xalqaro futbol ustidan nazorat o'rnatish uchun avj olayotgan siyosiy kurashda o'z ovozlaridan foydalanishga chaqirdi.
2026 yilgi Jahon chempionati bilan bog'liq bir nechta mojarolardan so'ng FIFA bosim ostida qolmoqda. Bu holat tashkilot rahbari Janni Infantinoning mundialni o'tkazishga oid tijoriy huquqlarni FIFA Forward Enterprise (FFE) kompaniyasi orqali sotish taklifidan keyin yanada keskinlashdi.
"Mening fikrimcha, o'yinchilarda o'zlari o'ylaganidan ko'ra ko'proq kuch bor. Agar ular o'zgarishlarni xohlashsa, bunga erisha oladilar, ayniqsa, bugungi kunda. Futbolchilar istasa, to'liq hokimiyatga ega bo'ladi va bazan, nazarimda, ular bundan foydalanishmaydi yoki bunga ega ekanliklarini anglashmaydi.
AQSHda juda yaxshi bilasiz: o'yinchi biror narsa qilmoqchi bo'lsa, liga unga quloq soladi. Buni NBA’da ko'rgansiz. Buni NFL’da ko'rgansiz... Biroq qaysidir pallada o'yinchilarga doim: "Boring, tomosha ko'rsating, pulingizni oling va keting", degan munosabatda bo'lishadi", – deya francuzning so'zlarini keltiradi “The Guardian”.
O'tgan haftada Yevropa futbol assotsiatsiyalari ittifoqi (UEFA) alohida bayonot berib, FFE yaratilishi g'oyasi qanday paydo bo'lgani bo'yicha mustaqil tashqi tekshiruv o'tkazishni talab qildi.
Bundan tashqari, UEFA agar Infantino FIFAning bo'lajak kongressida o'z nomzodini qayta saylanish uchun ko'rsatsa, qanday yo'l tutishini ma'lum qildi. Tashkilot milliy assotsiatsiyalarga munosib muqobil nomzod tanlovini taqdim etish maqsadida hamkor konfederatsiyalar bilan birgalikda harakat qilish niyatida ekanini bildirdi. UEFAybyu fikricha, bunday muqobil nomzod halollik, shaffoflik, izchil rivojlanish va haqiqiy institucional islohotlar tamoyillariga tayanishi kerak.
Teglar: infantinoni, taxtdan, tushirmoqchi, anri, futbolchilarni, uygonishga, chaqirmoqda,
← OldingaOrqaga →
Bosh sahifaga
457
5 Sentabr 2026, 04:05