XX Osiyo o'yinlari. Yigitlar va qizlar Yaponiyaga boradi
/ Kiritdi: BestMaster O'qilgan: 3914
Tez orada Yaponiyaning Aichi va Nagoyya shaharlarida 43ta sport turi bo'yicha navbatdagi Osiyo o'yinlariga start beriladi.
Bu hisob bo'yicha 20-Osiyo o'yinlari, yani yubiley musobaqa bo'ladi.
Mazkur Osiyo o'yinlarida futbol bo'yicha O'zbekiston erkaklar va ayollar terma jamoalari ham ishtirok etadi. Quyida har ikki jamoamiz o'ynaydigan raqiblar, guruhlar va umuman musobaqa haqida ma'lumot berib o'tamiz.
XX Osiyo o'yinlarida futbol bahslari 14 sentyabr - 3 oktyabr oralig'ida bo'lib o'tadi. Erkaklar futbolida 15ta, ayollar futbolida esa 12ta jamoa g'oliblik uchun bahs olib boradi.
Erkaklar futboli
Bunda 15ta jamoa to'rtta guruhga bo'lib chiqilgan. Uchta guruhda to'rttadan va oxirgi guruhda uchta jamoa o'rin olgan.
A guruhi - Yaponiya, Tailand, Qirg'iziston, Gonkong.
B guruhi - Xitoy, BAA, Eron, KXDR.
C guruhi - Vetnam, O'zbekiston, Filippin, Quvayt.
D guruhi - Janubiy Koreya, Saudiya Arabistoni, Qatar.
Ravshan Haydarov murabbiyligidagi O'zbekiston terma jamoasi ushbu musobaqada C guruhida o'z uchrashuvlarini o'tkazadi. Taqvim quyidagicha ko'rinish olgan:
15 sentyabr. O'zbekiston - Filippin
18 sentyabr. Quvayt - O'zbekiston
22 sentyabr. Vetnam - O'zbekiston
Musobaqa reglamentiga ko'ra, ushbu Osiyo o'yinlarida 2003 yil 1 yanvardan keyin tug'ilgan futbolchilar ro'yxati taqdim etiladi. 23talik ro'yxatda shuningdek yoshi katta uch nafar futbolchiga xam ruxsat beriladi.
Musobaqa formatiga ko'ra, har bir guruhdan 2tadan jamoa keyingi bosqichga chiqadi. Biz guruhdan chiqqan taqdirda chorak finalni Janubiy Koreya, Saudiya Arabistoni yoki Qatarga qarshi o'tkazamiz.
Chorak final uchrashuvlari 25-26 sentyabr kunlari, yarim final 30 sentyabr hamda uchinchi o'rin uchun bahs bilan hal qiluvchi final o'yini 3 oktyabr kuni bo'lib o'tadi. Musobaqaning final o'yiniga 45 ming muxlisga mo'ljallangan hashamatli "Toyota Stedium" mezbonlik qiladi.
Ayollar futboli
Ushbu Osiyo o'yinlarida O'zbekiston ayollar terma jamoasi ham ishtirok etadi. Sportning futbol turi bo'yicha musobaqada 12ta jamoa g'oliblik uchun bahs olib boradi. Jamoalar to'rttadan uch guruhga bo'lingan.
A guruhi - Yaponiya, Xitoy Taypeyi, Vetnam, Tailand.
B guruhi - Janubiy Koreya, KXDR, Bangladesh, Myanma.
C guruhi - Xitoy, O'zbekiston, Filippin, Gonkong.
Kotrina Kulbite boshqaruvidagi O'zbekiston ayollar terma jamoasi 14 sentyabrdan o'yinlarga kirishadi.
14 sentyabr. Filippin - O'zbekiston
17 sentyabr. O'zbekiston - Xitoy
21 sentyabr. O'zbekiston - Gonkong
Musobaqa formatiga ko'ra, har bir guruhdan ikkitadan jamoa, shuningdek eng yaxshi ikkita uchinchi o'rin egalari (jami 8ta jamoa) keyingi bosqichga yo'l oladi. 25 sentyabr kuni chorak final o'yinlari o'tkazilsa, 29 sentyabrda yarim final hamda 2 oktyabr kuni uchinchi o'rin uchun bahs bilan final uchrashuvi bo'lib o'tadi. Musobaqaning hal qiluvchi final o'yiniga 50 ming muxlisga mo'ljallangan "Shizuoka Stedium" mezbonlik qiladi.
X.Xoliqov
Teglar: osiyo, oyinlari, yigitlar, qizlar, yaponiyaga, boradi,
← OldingaOrqaga →
Bosh sahifaga
344
5 Sentabr 2026, 21:02