Belgiya futbol federatsiyasi FIFA prezidenti saylovida Infantinoni qo'llab-quvvatlamaydi
/ Kiritdi: BestMaster O'qilgan: 2282
Belgiya qirolligi futbol assotsiatsiyasi (KBVB) FIFA prezidentligi uchun bo'lib o'tadigan navbatdagi saylovda Janni Infantino nomzodini qo'llab-quvvatlamasligini e'lon qildi.
"KBVB Janni Infantinoning FIFA prezidentligi lavozimidagi yangi muddatga nomzodini qo'llab-quvvatlay olmasligini ma'lum qiladi. KBVB’ning ushbu qarori FIFA hozirgacha ochiqlamagan ikkita fundamental tamoyilga asoslanadi: FIFA Forward Enterprise bilan bog'liq vaziyat - KBVB ushbu masala bo'yicha bir qator muhim qarorlar va baholashlarning asosiy motivi hamda qaror qabul qilish mexanizmlari bugungi kungacha etarlicha tushunarli emasligini qayd etadi. Bu jarayonning shaffofligi va boshqaruvi borasida savollarni keltirib chiqarmoqda. Shuningdek, KBVB bevosita Jahon chempionati paytida Folarin Balogunning qizil kartochkasi atrofidagi davom etayotgan ish bo'yicha ham biz uchun muhim savollar javobsiz qolmoqda", – deyiladi KBVB rahbari Paskal van Damm bayonotida.
Iyul oyida Infantino FIFAning asosiy erkaklar va ayollar turnirlarini nazorat qilishi kerak bo'lgan FIFA Forward Enterprise kompaniyasini tashkil etish tashabbusi bilan chiqqani haqida xabar berilgandi. Tashkilot hisob-kitoblariga ko'ra, mazkur loyiha 4,2 milliard dollar mablag' jalb qilishi mumkin edi.
Ushbu taklifni UEFA, KONKAKAF, Osiyo futbol konfederatsiyasi va KONMEBOL qo'llab-quvvatlamadi. Shu bilan birga, Infantinoni Afrika futbol konfederatsiyasi, Argentina futbol assotsiatsiyasi va yana bir qancha milliy federatsiyalar qo'llab chiqdi.
56 yoshli Infantino 2016 yilning fevralidan buyon FIFAni boshqarib kelmoqda. Tashkilot prezidentligi uchun navbatdagi saylov 2027 yilning martida bo'lib o'tadi, nomzodlar uchun ariza topshirish muddati esa 18 noyabrda yakuniga etadi.
Teglar: belgiya, futbol, federatsiyasi, fifa, prezidenti, saylovida, infantinoni, qollab-quvvatlamaydi,
← OldingaOrqaga →
Bosh sahifaga
770
8 Sentabr 2026, 14:17