Messi va Ronaldu tarixda ilk bor bir jamoada o'ynaydi!

2026-09-08 15:33:02 / Kiritdi: BestMaster  O'qilgan: 1270

Argentina milliy terma jamoasining sobiq futbolchisi Karlos Teves Lionel Messi va Krishtianu Ronalduni bir jamoada to'p tepishga ko'ndirganini ma'lum qildi.

Gap 42 yoshli Tevesning xayrlashuv o'yini haqida bormoqda. Ushbu tadbir dekabr oyiga rejalashtirilgan. Bahs Buenos-Ayresdagi "La Bombonera" stadionida bo'lib o'tishi kerak.

"Men doimo Krishtianu va Leoni bir jamoada ko'rishni orzu qilganman. Ular barcha davrlarning eng ulug' futbolchilari. Men Ronalduga: “Krishtianu, xayrlashuv o'yinimda sen va Leo bir jamoada bo'lishingizni istayman. Butun dunyo nihoyat ushbu mo'jizani ko'rishi uchun”, dedim. U kelishini aytdi. Leoni ko'ndirish ham qiyin bo'lmadi. Ularning ikkalasi ham menga rozilik berdi", – dedi Teves.

Argentinalik sobiq forvard 2005 yildan 2015 yilgacha milliy terma jamoada Messi bilan birga o'ynagan. Ronaldu bilan birgalikda esa Teves 2007 yildan 2009 yilgacha "Manchester Yunayted" safida harakat qilgan.

Teglar: messi, ronaldu, tarixda, jamoada, oynaydi!,
← OldingaOrqaga →