Tojikistonda "Istiqlol" foydasiga qaror qabul qilgan hakamlar chetlatildi

2026-09-12 19:57:01 / Kiritdi: BestMaster  O'qilgan: 654

Tojikiston Futbol Federatsiyasi (TFF) Hakamlar qo'mitasi Tojikiston chempionatining 16-turidan o'rin olgan "Istiqlol" - "Hosilot" (1:0) uchrashuvini boshqargan hakamlarni chetlatish bo'yicha qaror qabul qildi.

O'yindan so'ng "Hosilot" 24-daqiqada Osuman Kassimning chetlatilishi va 88-daqiqada "Istiqlol" tomonidan urilgan gol ustidan shikoyat qilgan edi.

TFFning Singapur, O'zbekiston, Yaponiya va Tojikiston mutaxassislari ishtirokidagi mustaqil ekspertlar komissiyasi bahsli vaziyatlarni o'rganib chiqdi. Ekspertlar Kassimning chetlatilishini xato deb topishdi, mutaxassislarning aksariyati esa "Istiqlol"ning goli ofsayddan urilgan degan xulosaga kelishdi.

Natijada bosh hakam Xurshed Dadoboev va uning yordamchisi Nasimjon Mansurov 3 ta turga chetlatildi.

Uchrashuv nazoratchisi Umed Rahimov esa hakamlarga yuqori baho qo'ygani uchun 2 ta turga chetlatildi.

Shuningdek, TFF Hakamlar qo'mitasi Osuman Kassimga ko'rsatilgan qizil kartochkani bekor qilishni so'rab iltimosnoma kiritdi.

Teglar: tojikistonda, istiqlol, foydasiga, qaror, qabul, qilgan, hakamlar, chetlatildi,
← OldingaOrqaga →