FIFA Alvares bilan bog'liq mojarodan so'ng transfer qoidalarini o'zgartirmoqda

2026-09-12 21:00:01 / Kiritdi: BestMaster  O'qilgan: 1820

2027 yilning 1 yanvaridan boshlab O'yinchilarning maqomi va transferi bo'yicha reglamentga futbolchilar uchun tovon puli miqdorini belgilashga doir yangi qoidalarni joriy etuvchi o'zgarishlar kuchga kiradi.

Bu Madridning "Atletiko" klubi va Xulian Alvares o'rtasida yuzaga kelgan mojaro oqibatida ro'y berdi.

Endilikda FIFA 2027 yil 1 yanvardan keyin tuziladigan shartnomalarda futbolchining 40 ta yillik maoshidan ortiq bo'lgan tovon puli miqdorini nomutanosib (asossiz darajada yuqori) deb hisoblaydi. Shu tariqa, FIFA o'z meyoriy hujjatlarini nafaqat mazkur vaziyatga, balki Yevropa Ittifoqi qonunchiligiga ham moslashtirmoqda.

"Oddiyroq qilib aytganda: yagona maqsadi etkazilgan zararni qoplash emas, balki futbolchining ketishini to'sib qo'yish bo'lgan osmon narxlar davri poyoniga etmoqda.

Xulian bilan bo'lgan holat kabi futbolchining yillik brutto-maoshidan 40 baravar ko'p bo'lgan tovon pullari - bu yangi reglament barham berishga qaratilgan aynan o'sha nomutanosiblik ko'rinishi", - deya yangi qoidalarga xulosa yasadi ispaniyalik sport yuristi Migel Galan.

Bunday vaziyatlar qanday hal qilinishi - FIFAning arbitraj organlaridami yoki bunday shartnoma shunchaki ro'yxatdan o'tkazilmaydimi, hozircha noma'lumligicha qolmoqda.

Teglar: alvares, bilan, bogliq, mojarodan, song, transfer, qoidalarini, ozgartirmoqda,
← OldingaOrqaga →