Ispaniya terma jamoasi de la Fuente bilan shartnomani 2030 yilgacha uzaytiradi

2026-09-16 22:42:01 / Kiritdi: BestMaster  O'qilgan: 1654

Ispaniya terma jamoasi bosh murabbiy Luis de la Fuente bilan shartnomani 2030 yilgacha uzaytirish bo'yicha kelishuvga erishdi.

Bu haqda Ispaniya qirollik futbol federatsiyasi (RFEF) prezidenti Rafael Lusan ma'lum qildi.

"Biz kelishuv ustidagi ishlarni yakunlamoqdamiz, shuning uchun u yana bir necha yil biz bilan birga qoladi. Biz tarixdagi eng yaxshi murabbiyga egamiz, natijalarning o'zi har narsadan so'zlab turibdi. Ispan jamoatchiligi uni yaxshi ko'radi va unga hayrat bilan qaraydi. Men unga shartnomani yaxshilangan shartlar asosida uzaytirish imkoniyatini taklif qildim, bu juda mantiqiy edi, chunki u eng ko'p maosh oladigan o'nta murabbiy qatoriga ham kirmas edi. Endi esa kiradi", - dedi Lusan.

Marca nashrining xabar berishicha, de la Fuente bilan tuziladigan yangi bitim 2030 yilgi jahon chempionati oxirigacha mo'ljallangan. Murabbiyning amaldagi shartnomasi Evro-2028 dan keyin yakuniga yetishi kerak edi.

Luis de la Fuente Ispaniya asosiy terma jamoasini 2022 yilda boshqargan edi. Uning qo'l ostida jamoa 2022/2023 yilgi mavsum Millatlar ligasi, Evro-2024 g'olibi bo'lgan va 2026 yilda jahon chempioni degan sharafga sazovor bo'lgan.

Teglar: ispaniya, terma, jamoasi, fuente, bilan, shartnomani, 2030, yilgacha, uzaytiradi,
← OldingaOrqaga →