Kerrik: "Ishlashimiz kerak bo'lgan jihatlar bor"

2026-09-21 13:48:02 / Kiritdi: BestMaster  O'qilgan: 1868

"Manchester Yunayted" bosh murabbiyi Maykl Kerrik APLning 5-turi doirasidagi "Fulxem"ga qarshi bahs (1:1) taassurotlari bilan o'rtoqlashdi.

63-daqiqada Lisandro Martinesning avtogoli evaziga "dala hovlichilar" hisobda oldinga chiqib olishdi. O'yin oxirida Mateus Kunya muvozanatni tikladi.

"Biz ko'rsatgan energiyadan mamnunman. O'ylaymanki, bugun ko'p narsani o'rganib olishimiz mumkin. Ishlashimiz kerak bo'lgan jihatlar bor, bu juda aniq, ammo ayrim ijobiy ishoralar ham ko'zga tashlandi.

Meni [o'yin oxirida tribunalardagi] shovqin emas, balki natijalarni yaxshilash tashvishga solmoqda. Hammasi mukammal deb hisoblamaymiz. O'yinlarda g'alaba qozonish zarur. Muxlislarimiz eng yuqori darajani namoyish etishdi. Ularga quvonchdan hayqirishda davom etishlari uchun sabab yaratib berishimiz kerak", – dedi Kerrik o'yindan keyingi matbuot anjumanida.

"Manchester Yunayted" 5 ochko bilan APL musobaqa jadvalida 12-o'rinni egallab turibdi. 10 oktyabr kuni Kerrik shogirdlari Angliya chempionatining 6-turi doirasida "Tottenxem"ga qarshi maydonga tushadi.

Teglar: kerrik, ishlashimiz, kerak, bolgan, jihatlar,
← OldingaOrqaga →