Qirg'iziston chempionatini yondirayotgan o'zbekistonlik futbolchi bilan intervyu
/ Kiritdi: BestMaster O'qilgan: 1584
O'zbekistonlik darvozabon Sherzodbek Abduraimov yozda Qirg'izistonning "Toktogul" klubi bilan shartnoma tuzgandi.
U kelganida klub 15-o'rinda edi. Abduraimov 7 ta uchrashuvda maydonga tushdi va ularning hech birida "Toktogul" mag'lub bo'lgani yo'q. Ikkita bahsda Sherzodbek gol o'tkazmadi va o'sha o'yinlarning eng yaxshi futbolchisi deb topildi. Ma'lumot uchun Sherzodbek Abduraimov Ampluasi: DarvozabonTug'ilgan sanasi: 09.05.1995Tug'ilgan joyi: Farg'ona viloyatiBo'yi: 185 smO'ynagan klublari: "Mashal", "Sho'rtan", "Neftchi" (uchalasi O'zbekiston), "Kaganat", "Alay", "Neftchi Qo'chqor Ota", "Toktogul" (barchasi Qirg'iziston).
Biz Sherzodbek Abduraimov bilan bog'lanib bir qator savollarga javob oldik. - Adashmasam futbolga "Mashal" akademiyasi orqali kirib kelgansiz... - Ha, futbolga ilk qadamlarni "Mashal" akademiyasida qo'yganman. Murabbiy Dilshod Andaev qo'l ostida Eldor Shomurodov va Otabek Shukurov bilan bir guruhda futbol o'ynardik. - "Sho'rtan"dagi faoliyatizni qanday yodga olasiz? - "Sho'rtan" klubida futbol o'ynash uchun barcha sharoitlar yaratilgan. Bu klubda o'ynaganimda Shamil Yarulin va Nurali Sultonov menga katta yordam berishgan. Menga ishonch bildirishgani uchun rahmat aytaman. - 2021-2022 yillarda Qirg'izistonda o'ynagansiz. O'sha yillar bilan hozirgi paytni taqqoslasak qaysi jihatlarda o'sish bo'ldi? - U vaqt bilan hozirgi davrning farqi er bilan osmoncha. Sababi so'nggi ikki yilda stadionlardagi sharoitlar yaxshilandi, Qirg'izistonda sport xususan futbolga katta e'tibor qaratilmoqda. Qirg'iziston chempionati saviyasi o'sib bormoqda. Oddiy misol 2021 yilda o'yinlar asosan kun botguncha bo'lardi, hozir esa projektorlar muammosi deyarli hech qaysi stadionda yo'q. Kechki vaqtda salqinda futbol o'ynayapmiz.
- Bolalikda qaysi darvozabonlarga havas qilgansiz? - Jahon futbolida Iker Kasilyasning o'yinlari yoqardi. O'zimizdan esa "Mashal"da ko'p yillar davomida o'ynagan Sanjar Quvvatovga havas qilaman. - "Toktogul"da mashhur Colomon Kverkveliya bilan birga o'ynayapsiz. U qanday futbolchi va inson ekan? - Solomon jamoamiz sardori. Rossiya chempionati afsonalaridan biri hisoblandi. Rossiyada chempion bo'lgan va kubokni qo'lga kiritgan. Tajribali futbolchi, ajoyib va juda hazilkash inson. Jamoadagi futbolchilaradan o'z yordamini ayamaydi. - "Toktogul" bosh murabbiyi haqida nima deya olasiz? - Bosh murabbiy Mirlan Eshenov ajoyib murabbiy, ruxshunos. Futbol uchun jonini bera oladigan inson. Hech kim ishonmagan vaqtda meni o'z jamoasiga qo'rqmasdan chaqirib imkon bergani uchun kotta rahmat aytaman.- Qirg'izistondagi deyarli barcha klublarda o'zbekistonlik futbolchilar bor. Lekin "Toktogul"da sizdan boshqa hamyurtimiz yo'q. Zerikib qolmaysizmi? - Jamoada kollektiv juda ajoyib. Solomon, Papuna Poniava, Levan Eloshvili va Mirbek Ahmataliev. Bular bilan zerikishga vaqt ham bo'lmaydi.
- Qirg'izistondagi qaysi o'zbek futbolchilar bilan yaqin aloqadasiz? Ular bilan yig'ilib, ko'rishib turasizlarmi? - Albatta, Jamshid Qobulov, Muhammadali Tursunov, Sarvar Mirzaev va Mirzohid Mamatxonov bilan tez-tez ko'rishib turamiz. - Qirg'izistonda bo'sh vaqtda qaerlarga borasiz? - Qirg'izistonning ertaknamo joylari juda ko'p. Asosan tabiat va manzarali joylarga boraman. Masalan, "Ala Archa" milliy bog'i. - Bu yilgi Superliga va Proligani kuzatishga vaqt bo'lyaptimi? Qaysi jamoalar sizda yaxshi taassurot qoldirmoqda?- Albatta kuzatib boraman, ko'proq "Sho'rtan"ning o'yinlarini ko'raman. G'uzor klubi tezroq Superligaga qaytishini xohlayman. Superligada esa "Navbahor", "Neftchi" va "Paxtakor" ishtirokidagi o'yinlarni kuzatib boraman. Ko'p o'yinlarni ko'rib ochig'i maza qilaman.
Teglar: qirgiziston, chempionatini, yondirayotgan, ozbekistonlik, futbolchi, bilan, intervyu,
← OldingaOrqaga →
Bosh sahifaga
598
Bugun, 18:16