Eldor Moyliev: "Bugun eng yomon o'yinlarimizdan birini o'tkazdik"

2026-09-21 22:09:02 / Kiritdi: BestMaster  O'qilgan: 4174

Proliga 20-turdan o'rin olgan "Lochin" – "Respublika FA" uchrashuvidan so'ng "Lochin" bosh murabbiyi Eldor Moyliev matbuot anjumanida ishtirok etdi.

- O'yin haqida fikringiz?- Bugun eng yomon o'yinlarimizdan birini o'tkazdik. Ikkita golni o'zimiz olib keldik, hujumda umuman omad kelmadi. Sharmandali hisob kuzatildi, yigitlardan bunday o'yin kutmagandik. 0:1dan keyin ham, 0:2dan keyin ham vaziyatni o'zgartirsa bo'lardi, lekin uddalay olmadik.- Jamoangiz "G'alazalkent" bilan durang o'ynadi, so'ngra "Aral"dan mag'lubiyat va bugun ham mag'lubiyat kuzatildi. Buning sababi nimada? - Jamoamizda hech qanday muammo yo'q. Biz yaxshi tayyorgarlik ko'rgandik. Endi "Aral"ni gapirmasa ham bo'ladi. Bugun qarshi hujumlarda o'z xatolarimiz sabab gol o'tkazdik. Afsuski, kuch topa olmadik.- "Aral"ga qarshi bahsni negadir eslagingiz kelmayapti. Bu nima bilan bog'liq?- Hakamlik bilan bog'liq.- Bugun himoyachilar ko'p xato qildimi yoki darvozabon bo'sh o'ynadimi?- Himoyachilar ham ko'p xato qilishdi, darvozabonimizdan ham xato o'tdi. Bugun jamoaviy o'yinimiz chiqmadi.- "Respublika FA" jadvalda 11-o'rinda boryapti. O'yindan oldin "Lochin" futbolchilari bemalol yutamiz degan bo'lishi mumkinmi?- To'g'ri, bu psixologiya bilan bog'liq. Yoshlarni bemalol mag'lub etamiz deb yaxshi tayyorgarlik ko'ra olmadikmi. Baribir eng katta ayb biz murabbiylarda.- Oxirgi uchta o'yindan kelib chiqsak, nimani o'zgartirish kerak?- Hujumda muammolar bor, gol urishga qiynalyapmiz. Himoyachilarimiz ham ishonch bilan o'ynay olmayapti. Ikkinchi davra arafasida yangi jamoa tuzganimiz qiyin bo'lyapti.- Zaxiradagi o'zgarishlar nimani hal qilishi kerak edi?- Asosan hujumni kuchaytirish maqsadida o'yinchi almashtirdik. Bo'ydor hujumchini ham maydonga tushirdik, baribir hech narsa o'xshamadi. Himoyada yosh bolalarcha xatoga yo'l qo'ydik. Dastlabki ikkita golni raqibga sovg'a qildik. Ruhiy jihatdan tayyor emasligimiz ko'rinib qoldi. O'yin uslubimiz uzun paslarga qurilmagan, bunday o'ynasak ko'p bor to'pni yo'qotamiz. Shu bois mayda paslar bilan o'ynaymiz. Mashg'ulotlarni ham shu bo'yicha olib borgandik.

Teglar: eldor, moyliev, bugun, yomon, oyinlarimizdan, birini, otkazdik,
← OldingaOrqaga →