O'zbekiston futzal terma jamoasi bosh murabbiyi Mendes qayerda?
/ Kiritdi: BestMaster O'qilgan: 17054
O'zbekiston futzal milliy terma jamoasining Yevropa safari davomida bosh murabbiyimiz Xose Mariya Mendesning delegaciya tarkibida ko'rinmagani muxlislar orasida tabiiy ravishda qator savollarni yuzaga keltirdi.
Ispaniyalik mutaxassis nega jamoa bilan birga emas? Uning salomatligi qanday?
Ushbu savollarga oydinlik kiritamiz.
Xabaringiz bor, Xose Mariya Mendes O'zbekiston Superkubogi doirasidagi tadbirlar vaqtida Toshkentga tashrif buyurgan edi. Mutaxassis Yevropa safari uchun jalb etiladigan futzalchilarni Jizzaxda o'tkazilgan Oliy liga 1-tur bahslari davomida bevosita kuzatib, tarkibni shakllantirish jarayonida ishtirok etishi kerak edi.
Biroq Superkubok uchrashuvidan so'ng murabbiyning salomatligi bilan bog'liq muammo yuzaga kelgani sababli u O'zbekistonda dastlabki tibbiy ko'rikdan o'tkazildi. Shundan so'ng chuqurlashtirilgan tibbiy tekshiruvlardan o'tish uchun muddatidan avval Ispaniyaga qaytishga majbur bo'ldi.
Kelishuvga ko'ra, Mendes Ispaniyada zarur tibbiy tekshiruvlardan o'tib, tegishli xulosalarni olganidan so'ng Budapeshtda milliy terma jamoamiz safiga qo'shilishi kerak edi. O'FF tomonidan uning Budapeshtga borishi uchun aviachipta ham oldindan xarid qilingan. Rejaga ko'ra, ispaniyalik mutaxassis Vengriya va Niderlandiya terma jamoalariga qarshi o'rtoqlik uchrashuvlarida jamoamizni boshqarishi lozim edi.
Ammo tibbiy tekshiruvlar jarayoni kutilganidan ko'ra jiddiyroq va uzoqroq davom etdi. Shu sababli Pulpis terma jamoamizning Yevropadagi yig'inlarida ishtirok eta olmadi va ayni paytda Madrid shahrida davolanishni davom ettirmoqda.
O'zbekiston futzal federatsiyasi rahbariyati Xose Mariya Mendes bilan doimiy aloqada bo'lib turibdi.
Teglar: ozbekiston, futzal, terma, jamoasi, bosh, murabbiyi, mendes, qayerda?,
← OldingaOrqaga →
Bosh sahifaga
259
Bugun, 15:25