Abbosbek Fayzullayev: "Yangi taktika menga yoqdi"
/ Kiritdi: BestMaster O'qilgan: 4010
Eronga qarshi o'yindan keyin O'zbekiston terma jamoasi futbolchisi Abbosbek Fayzullayev fikrlarini bildirdi.
"O'yin qiyin bo'ldi. Bugun stadionga kelgan muxlislarga rahmat aytaman, ular zo'r atmosfera yaratib berishdi. Menimcha o'yin ham muxlislarga yoqdi. Ikkala jamoalarda ham vaziyatlar bo'ldi. O'yinning qaysidir vaziyatlarida biz, ayrimlarida esa raqiblar ustunlik qilishdi. Yakunda biz g'alaba qozonganimiz butun O'zbekistonga yaxshi kayfiyat beradi, deb o'ylayman.
Eron kabi raqiblarni mag'lub qilish yoqimli. Bu jamoaning ruhini oshiradi. Endi Toshkentga qaytib, tayyorgarlikni davom ettiramiz va ertadan Suriyani o'rganishni boshlaymiz.
Termada yaxshi avlod yig'ildi. Aslida bundan oldin ham yaxshi futbolchilar bor edi, ularga nimalardir yetishmagan bo'lishi mumkin.
O'zimni juda yaxshi his qildim. Yangi taktika menga yoqdi. Qaysidir vaziyatlarda to'pni yo'qotgandirman, qaerlardadir noto'g'ri uzatgandirman, bu futboldagi normal holat.
Bosh murabbiy shu ruhda davom etishimiz, tempni oshirishimiz kerakligini aytdi. Osiyo chempionatiga yuqori darajada bo'lib, borish kerak", - dedi Fayzullayev.
Teglar: abbosbek, fayzullayev, yangi, taktika, menga, yoqdi,
← OldingaOrqaga →
Bosh sahifaga
256