Manba: Husniddin Aliqulov O'zbekiston terma jamoasidan chaqiruv olgandi
/ Kiritdi: BestMaster O'qilgan: 2282
Turkiyaning "Rizespor" klubi bir necha kun ilgari sentyabr – oktyabr oylaridagi FIFA kunlari doirasida milliy va yoshlar terma jamoalariga yo'l oladigan futbolchilari ro'yxatini ma'lum qildi.
O'zbekistonlik futbol muxlislari uchun e'tiborli jihati shundaki, jamoa legioneri Husniddin Aliqulov O'zbekiston milliy terma jamoasining kengaytirilgan ro'yxatidan joy olgan. Chaqiruv haqida klub bayonotida ma'lum qilingan.
Eslatib o'tamiz, mahoratli himoyachi joriy yilning yanvar oyida jiddiy jarohat olgan va shundan beri yashil maydonga tushgani yo'q. Ayni paytda u asosan tiklanish va reabilitaciya jarayoni bilan band. Shu sababli futbolchi hozircha milliy jamoaning yakuniy tarkibiga kiritilmagan.
Avvalroq "Braga"ning o'zbekistonlik ikki nafar futbolchisi Sadriddin Hasanov va Sayfiddin Sodiqov milliy terma jamoaga chaqiruv olgani haqida klub rasmiy sahifasida e'lon qilingandi, biroq ular ham yakuniy ro'yxatga kiritilmagan.
Teglar: manba, husniddin, aliqulov, ozbekiston, terma, jamoasidan, chaqiruv, olgandi,
← OldingaOrqaga →



Bosh sahifaga
636
26 Sentabr 2026, 16:13