Irlandiya terma jamoasi o'yinchilari isroilliklar bilan qo'l berib ko'rishmaydi
/ Kiritdi: BestMaster O'qilgan: 960
Irlandiya terma jamoasi futbolchilari Isroildan bo'lgan raqiblari bilan qo'l berib ko'rishishdan bosh tortishdi.
27 sentyabr kuni isroilliklar Millatlar ligasi doirasida Irlandiya terma jamoasiga qarshi maydonga tushishadi. Bugun irlandiyaliklar darvozaboni Gevin Bazunu ushbu o'yinda ishtirok etishni istamayotgani ma'lum bo'ldi - uning poziciyasini jamoadoshlaridan bir nechtasi qo'llab-quvvatlashni rejalashtirgan edi. Yakunda jamoa ichida ovoz berish o'tkazildi va futbolchilarning ko'pchiligi o'yinni boykot qilishga qarshi chiqdi.
Irlandiya Futbol assotsiatsiyasi bosh direktori Devid Kurell uchrashuv oldidan qo'l berib ko'rishish va vimpellar almashish marosimi bo'lmasligini ma'lum qildi. U, shuningdek, Irlandiya terma jamoasi o'yinchilari G'azo sektoridagi nizoda "halok bo'lganlarning barchasi xotirasi uchun" qora bog'ichlarda maydonga tushishini aytdi.
Bundan tashqari, Kurell terma jamoa futbolchilari joriy yig'indagi matbuot anjumanlarida ishtirok etmasligini ta'kidladi: "Kecha o'yinchilar bilan bo'lib o'tgan suhbatdan so'ng, futbolga aloqador bo'lmagan barcha savollarga javob berishga majbur bo'layotgan bunday muhitda ular o'zlarini noqulay his qilishayotgani ayon bo'ldi".
Teglar: irlandiya, terma, jamoasi, oyinchilari, isroilliklar, bilan, berib, korishmaydi,
← OldingaOrqaga →
Bosh sahifaga
531