Zeki Chelik: Italiya bizga qiyinchilik tug'diradi
/ Kiritdi: BestMaster O'qilgan: 960
Turkiya terma jamoasi va "Yuventus" himoyachisi Zeki Chelik Italiyaga qarshi o'yin oldidan raqib haqida fikr bildirdi.
Italiya - haqiqatan ham yaxshi jamoa. So'nggi paytlarda ishlari unchalik yaxshi ketmayapti, buni o'zlari ham bilishadi. Ular juda intizomli va tizimli o'ynaydi. Taktik jihatdan har bir detalga katta e'tibor berishadi.Ular tarkibida sifatli futbolchilar ko'p. Ertaga bizga qiyinchilik tug'dirishadi. Ayniqsa, standart vaziyatlarda juda xavfli. Inshoolloh, ertaga g'alaba qozonamiz. Bursaspor haqidagi savolga shunday javob berdi. Men Bursada olti yil o'ynaganman. Akademiyada juda qimmatli vaqtlarim o'tgan. Agar bugun shu yerda bo'lib turgan bo'lsam, bu - Bursaspor tufayli.Har doim shu stadionda o'ynashni orzu qilardim. Balki Bursaspor safida o'ynay olmagandirman, ammo bir necha marta bu yerda havaskorlar jamoasi tarkibida maydonga tushganman.
Italiyalik jurnalist Vinchenco Montellaga shunday savol berdi. - Roberto Manchini futbolda cikllar bo'lishini aytdi. Italiya terma jamoasida ham bir paytning o'zida katta iqtidorlar avlodi paydo bo'lgan, ammo ularning ko'pchiligi bir davrga to'g'ri kelgan. Sizningcha, hozirgi Italiya terma jamoasi haqiqatan ham texnik jihatdan saviyasi past jamoami?Javob:- Men Robertoning fikriga qo'shilaman: futbolda cikllar bo'ladi. Lekin hozir Italiya futbolchilari ro'yxatini ko'rib chiqsam, Ispaniya, Angliya, Fransiya va Portugaliyani hisobga olmaganda - bu jamoalarda futbolchilar tanlovi son va sifat jihatidan boshqa darajada - Italiya ham raqobatbardosh jamoa, deb o'ylayman.Donnarummani men dunyodagi eng yaxshi darvozabon deb hisoblayman. Bastoni bir necha yildan beri Chempionlar ligasida yuqori darajada o'ynayapti, finallarda ham ishtirok etgan. Barella ham shunday, garchi u ertaga o'ynamasa ham.Hujumda ham qiziqarli futbolchilar bor. Kezani bilamiz - uning darvoza oldidagi harakatlari va jismoniy imkoniyatlari qanday ekanini yaxshi bilamiz. Skamakka ham juda qiziqarli futbolchi, u ham Italiyada o'ynayapti.Tonalini ham alohida takidlash mumkin. Shuningdek, Kalabriyani ham unutmaslik kerak - u Arsenalda juda yuqori darajada o'ynayapti.Shuning uchun mening fikrimcha, Italiya juda raqobatbardosh jamoa. Balki futbolchilar soni bo'yicha yuqorida aytgan Ispaniya, Angliya, Fransiya va Portugaliya bilan raqobatlashish qiyin. Bu ro'yxatga Germaniyani ham qo'shish mumkin.Futbolda bazida kichik detallar ham natijani belgilab qo'yadi: penalti, Jahon chempionatidagi bitta o'yin yoki boshqa epizod. Hatto hozirgi kabi juda qiziqarli Millatlar ligasida ham uch kun ichida hal qiluvchi o'yinlar o'tkaziladi.Bizda ham shunday bo'ldi: 11 kun ichida to'rtta hal qiluvchi o'yin o'tkazdik va muhim futbolchilarimiz jarohat yoki boshqa sabablar tufayli yetishmadi. Ular bitta yoki ikkita o'yin emas, hatto butun seriya davomida bizga juda kerak edi.Shuning uchun bazida natijani kichik epizodlar belgilab beradi. Natija esa keyinchalik jamoaga beriladigan bahoga ham ta’sir qiladi.Masalan, so'nggi Belgiyaga qarshi o'yinda Belgiya ajoyib futbol namoyish etdi va albatta, bizdan ustunroq o'ynadi. Ammo bizda hisobni tenglashtirish uchun imkoniyatlar ham bo'ldi.Shuning uchun, menimcha, yakuniy bahoni ham aynan ana shu mayda epizodlar belgilab beradi.
Teglar: chelik, italiya, bizga, qiyinchilik, tugdiradi,
← OldingaOrqaga →
Bosh sahifaga
287