"Man Siti" 9 mavsum davomida homiylik daromadlari sifatida 950 mln funtni ko'rsatgan - real to'lovlar 119,25 mln funtni tashkil etdi
/ Kiritdi: BestMaster O'qilgan: 26276
"Manchester Siti" ishini o'rgangan mustaqil komissiya klub homiylik bitimlaridan olingan daromad summalarini oshirib ko'rsatgan degan xulosaga keldi.
O'tgan haftada "shaharliklar" APLning moliyaviy qoidalarini buzish bo'yicha deyarli barcha ayblovlar bo'yicha aybdor deb topilgani haqida ma'lumot paydo bo'ldi - faqat bittasidan tashqari. 2023 yilning fevral oyida APL "Siti"ni 2009 yildan 2018 yilgacha bo'lgan davrda moliyaviy qoidalarning 115 ta turli buzilishida ayblagan edi. Keyinchalik The Times gazetasi gap 115 ta emas, balki 130 ta qoidabuzarlik haqida ketayotganini xabar qildi: Premer-liga endigina ayblovlarni e'lon qilganida, bazi qoidalar bo'yicha chalkashlik yuzaga kelgan edi.
Kecha APL klub barcha ayblovlar bo'yicha aybdor deb topilganini ma'lum qildi.
Komissiya xulosasiga ko'ra, "shaharliklar" Abu-Dabidagi hamkor kompaniyalar bilan bozor qiymatidan ancha yuqori bo'lgan katta miqdordagi homiylik badallarini to'lashni nazarda tutuvchi shartnomalar tuzishgan.
Biroq homiylar butun summani to'lashga majbur bo'lishmagan va buni qilishmagan ham - ular "Siti" hisobvaraqlariga faqat "bazaviy summa"ni o'tkazishgan. Real to'lovlar va shartnomalarda ko'rsatilgan summalar o'rtasidagi farq klubga egalik qiluvchi Abu Dhabi United Group (ADUG) kompaniyasi kiritgan mablag'lar hisobidan qoplangan.
Klubning moliyaviy hisobotida daromad sifatida faqat "bazaviy" summa aks ettirilishi mumkin edi. Lekin "Man Siti" ushbu ustunga barcha kelib tushgan mablag'larni kiritgan va ushbu summaning katta qismini ADUG kiritgani faktini yashirgan.
- Shu tariqa, yashirin moliyalashtirish sxemasini qabul qilib, klub: - uchinchi tomonlarda (shu jumladan, tartibga soluvchi organlar va auditorlarda) o'zining homiylik bitimlaridan oladigan tijoriy daromadlari (va demak, umumiy daromadlari) aslidadagidan juda va juda ko'p ekani haqida yolg'on taassurot uyg'otishi; - uchinchi shaxslardan ADUG tomonidan amalda akcionerlik kapitaliga kiritilgan badallarning haqiqiy hajmini yashirishi mumkin edi, - deyiladi komissiya xulosasida.
Klub ushbu sxemani 2009/10 yilgi mavsumdan 2017/18 yilgi mavsumgacha qo'llagan - ushbu davr mobaynida "Siti" umumiy hisobda Abu-Dabidagi homiylardan 949,94 mln funt olgani haqida hisobot bergan. Vaholanki, aslida klub hamkorlari faqat 119,25 mln funt to'lashgan - qolgan qismini (830,69 mln funt) ADUG tuzilmasi qoplagan.
Teglar: siti, mavsum, davomida, homiylik, daromadlari, sifatida, funtni, korsatgan, real, tolovlar, 11925, funtni, tashkil, etdi,
← OldingaOrqaga →
Bosh sahifaga
198
30 Sentabr 2026, 17:18