Romero Messi haqida: "U haqiqiy yetakchi edi, lekin hech qachon o'zini boshqalardan ustun qo'ymagan"

2026-10-03 17:00:02 / Kiritdi: BestMaster  O'qilgan: 620

Argentina terma jamoasi himoyachisi Kristian Romero Leoning Argentina terma jamoasidagi oxirgi o'yini oldidan jamoa hujumchisi Lionel Messi haqida fikr bildirdi.

7 oktyabr kuni 39 yoshli hujumchi milliy jamoadagi xayrlashuv o'yinini Beninga qarshi o'tkazadi.

- Ochig'ini aytganda, u ushbu xalqaro tanaffusda allaqachon yetishmayapti. Qachondir bu sodir bo'lishi kerak edi, lekin uning yo'qligi bunchalik kuchli sezilishini hech qachon o'ylamagandim. U hamisha haqiqiy yetakchi bo'lgan, lekin hech qachon o'zini boshqalardan ustun qo'ymagan.

Angliya ustidan qozonilgan g'alabadan keyingi video meni haligacha to'lqinlantiradi - butun stadion uni olqishlayotganida, u jamoani ko'rsatadi. Bunday mayda detallar hamisha unga xos bo'lgan. Shu sababli men uchun u barcha davrlarning eng buyuk futbolchisi, buning ustiga ajoyib insondir.

Aynan u meni terma jamoa sardori qilib tanladi va bu men uchun katta mas'uliyat. Buni u murabbiy bilan birgalikda qilgani, albatta, juda qadrli. Biz birga o'tkazgan o'sha olti yoki etti yil davomida uning yonida juda ko'p narsani o'rgandim.

Men uni juda yaxshi ko'rardim, keyin esa terma jamoaga tushish va u bilan ushbu barcha lahzalarni baham ko'rish baxtiga muyassar bo'ldim. Futbol tufayli o'rtamizda go'zal do'stlik paydo bo'ldi va hozir menga og'ir.

Men o'z mehrimni biroz beo'xshovroq, o'zimcha izhor qilaman, lekin uni hamisha qanchalik kuchli yaxshi ko'rganimni to'liq ko'rsata olmaganimdan juda afsuslanaman. Bu haqda afsuslanib yashayman. Odamlar o'ylaganidan ko'ra uning yo'qligi juda kuchliroq seziladi. Rahmat, sardor, - dedi Romero.

Teglar: romero, messi, haqida, haqiqiy, yetakchi, lekin, hech, qachon, ozini, boshqalardan, ustun, qoymagan,
← OldingaOrqaga →