Mastantuono: "Odamlar mendan juda ko'p narsa talab qilishadi"

2026-10-04 15:15:01 / Kiritdi: BestMaster  O'qilgan: 916

Mastantuono milliy jamoadagi debyut golidan so'ng o'z fikrlari bilan o'rtoqlashdi.

Argentina terma jamoasi yarim himoyachisi Franko Mastantuono Burkina-Faso terma jamoasi ustidan qozonilgan yirik (7:0) g'alabadan so'ng jamoatchilik tomonidan bo'layotgan bosim haqida fikr bildirdi. Ushbu uchrashuvda futbolchi milliy jamoa safidagi o'zining debyut golini urishga muvaffaq bo'ldi.

- Odamlar mendan juda ko'p narsa talab qilishadi. Men buni tushunaman, mendan nima kutishayotganini anglab turibman. Ko'pincha ular menga nisbatan talabchan bo'lishadi, lekin men bundan zavq olishga harakat qilaman. Tanqidlardan nolimayman. Men futbolchiman va buni juda yaxshi tushunaman. Lekin odamlar menga bog'liq bo'lmagan narsalar haqida gapirishadi. Men shunchaki o'z ishimni qilaman va uni hamisha yaxshi bajarishga harakat qilaman, - dedi argentinalik futbolchi TyC Sports nashriga.

Teglar: mastantuono, odamlar, mendan, juda, narsa, talab, qilishadi,
← OldingaOrqaga →