COVID-19 sertifikatini soxtalashtirgan Jaka o'z jazosini oldi

2026-10-08 22:57:01 / Kiritdi: BestMaster  O'qilgan: 1018

Shveytsariya terma jamoasi yarim himoyachisi Granit Jaka COVID-19 vakcinaciya sertifikatini soxtalashtirish bilan bog'liq ish bo'yicha sud qarorini e'lon qildi.

Futbolchi soddalashtirilgan sud jarayoni doirasida bila turib soxta rasmiy hujjat olgani uchun shartli pul jarimasiga hukm qilingan. Jazo 50 kunlik stavkadan iborat bo'lib, har bir stavka 3000 frank etib belgilangan. Shu tariqa, shartli jarimaning umumiy miqdori 150 000 frankni tashkil qiladi.

Sinov muddati ikki yil etib belgilangan. Agar Jaka ushbu davr mobaynida yangi huquqbuzarlik sodir etmasa, jarima amalda qo'llanilmaydi. Sud bilan bog'liq processual xarajatlarni esa futbolchi allaqachon to'lagan.

"Bir necha hafta oldin bu yerda shaxsan bayonot berib, qarorim uchun mas'uliyatni o'z zimmamga olishimni aytgandim. Hozir ham xuddi shu poziciyadaman. Prokuraturaga to'liq ko'rsatma berganimdan so'ng, endi qaror qabul qilindi.

Men qarorni qabul qilaman va mas'uliyatni o'z zimmamga olaman. So'nggi haftalarda meni qo'llab-quvvatlagan ko'plab insonlarga rahmat. Bu xabarlar men uchun juda katta ahamiyatga ega", - deb yozdi Jaka.

Teglar: covid-19, sertifikatini, soxtalashtirgan, jaka, jazosini, oldi,
← OldingaOrqaga →