Islom Ahmedov: "G'alaba qozonishimizga hakamlar xalaqit berdi"
/ Kiritdi: BestMaster O'qilgan: 1752
Superliga 23-turdan o'rin olgan "Buxoro" – "Andijon" uchrashuvidan so'ng "Andijon " bosh murabbiyi Islom Ahmedov matbuot anjumanida ishtirok etdi.
- O'yin haqida fikringiz?- Bahs oson kechmasligini bilardik. Yigitlarga etirozim yo'q, bugun maydonga tushgan hamma borini berib harakat qildi. G'alaba qozonishimizga ko'proq hakamlar xalaqit berdi. Shu kungacha bir nechta o'yinlar o'tkazdik, turli natijalar qayd etdik.Yutqazgan o'yinlarimizni oladigan bo'lsak, ko'pincha hakamlar xalaqit bergan bo'lib chiqyapti. Bugun ham bir necha bor "Buxoro"ga yon bosishdi. 2:0 hisobida oldinda borayotgan paytimizda bizning foydamizga yaqqol penalti berilmadi.To'pni yon chiziqdan kiritishda ham bizning futbolchilarga joyni ko'rsatib turishdi, raqib esa xohlagan joyidan to'pni o'yinga kiritdi. Futbolchilarga achinyapman, bugungi mehnatimiz mag'lubiyatga loyiq emasdi. Murabbiylar shtabimiz ham tinmay ishlamoqda, kechalari uxlamayapmiz. Afsuski, hakamlarning o'yinga ta’siri mag'lubiyatga olib keldi. Bu narsa rahbariyatimizga ham yoqmaydi va murabbiylarning bo'shashishiga olib kelyapti. Astoydil ishlayman deysiz-u, lekin bu holatni ko'rib hafsalangiz pir bo'ladi.- Hakamlarga chora ko'riladi deb o'ylaysizmi?- Buni biz hal qila olmaymiz, ularning o'z qo'mitasi bor va menimcha, bugungi hakamlik ko'rib chiqiladi.
Teglar: islom, ahmedov, galaba, qozonishimizga, hakamlar, xalaqit, berdi,
← OldingaOrqaga →
Bosh sahifaga
230