Ro'ziqul Berdiev: "Abduvohidga ishonamiz, biz tomondan Ne'matovga hech qanday bosim bo'lmaydi"
/ Kiritdi: BestMaster O'qilgan: 2710
"Nasaf" hamda "Al Vahda" o'rtasidagi OCHL-2 uchrashuvidan (1:2) so'ng mezbonlar ustozi Ro'ziqul Berdiev matbuot anjumanida ishtirok etdi.
Ro'ziqul Berdiev: “Birinchi bo'limni yomon o'tkazdik. Raqibga imkoniyat berib qo'ydik, lekin hisobni o'zgartirish uchun vaziyatlar bo'ldi. Shunga qaramasdan ikkinchi bo'limda ko'plab hujumlar tashkil qildik. Bizga omad yetishmadi. Hisobni tenglashtira olganimizda g'alabani ilib ketishimiz mumkin edik. Mag'lubiyatga munosib o'yin ko'rsatmadik.
- Bobir Abdixoliqov va Sardor Bahromovlar nega zaxirada qoldirildi?- Sardorga dam berishga qaror qildik. Bobirning oxirgi o'yinlarida muammolar bo'lgani sabab uni zaxirada qoldirdik.
- Penaltini boshqa futbolchi tepsa bo'lmasmidi?- Penaltini Sharof Muhitdinov tepsa kerak deb o'ylagandim. Negadir Abduvohid Ne'matov nuqta oldiga keldi.
- “Nasaf”da gol uchun etarlicha vaziyatlar bo'ldi, yigitlarga nima yetishmadi?- Ruhiy tayyorgarlik. Birinchi golni o'tkazganimizdan so'ng futbolchilarda hayajon borligi sezildi. Oddiy xatolardan gol o'tkazib yubordik. Alamli mag'lubiyat bo'ldi. Ikkinchi taymdagi o'yinni birinchi bo'limda ham ko'rsatishimiz kerak. Hayajon va shoshqaloqlik bizga halaqit berdi. Raqib ham oddiy jamoa emas, futbolchilar mahoratli.
- O'yin paytida penaltini darvozabon tepishi tavakkalchilk emasmi?- Abduvohid oxirgi o'yinlarda penaltidan gol urayotgani hammaga ishonch bag'ishlayotgandi. Penaltini o'ziga ishongan futbolchi tepishi kerak. Ha, bu tavakkalchilik. Gol urilganida hammasi to'g'ri bo'ldi deb hisobardingiz, ammo omadsizlikda tavakkalchilik yuzaga kelishi to'g'ri.
- Bugungi o'yindan keyin Abduvohid Ne'matovga nisbatan munosabatingiz qanday? Jamoadar darvozabonlar o'rtasida raqobat bormi?- Ne'matov ruhiy bosimlarga bardoshli yigit. Agar vaziyat o'zgarsa zaxira darvozabonimiz bor. Lekin Abduvohidga ishonamiz, u ko'plab o'yinlarda bizni qutqargan. U “komment”larni o'qimaydi va bunday narsalarga e'tibor bermaydi. Biz tomondan Ne'matovga hech qanday bosim bo'lmaydi.
Teglar: roziqul, berdiev, abduvohidga, ishonamiz, tomondan, nematovga, hech, qanday, bosim, bolmaydi,
← OldingaOrqaga →

Bosh sahifaga
656
15 Oktyabr 2026, 01:02