YCHL. PSJ o'z maydonida “Barselona”ni ishonchli hisobda mag'lub etdi
/ Kiritdi: BestMaster O'qilgan: 4372
UEFA Chempionlar ligasi 3-tur bahsi yakunlandi.
PSJ - “Barselona” 4:2
Gollar: 38 - Dezire Due, 55 - Xavi Espart, 72 - Lukas Ernandes, 79 - Lamin Yamal, 81 - Vitinya, 86 - Fabian Ruis
PSJ: 39. Matvey Safonov, 2. Ashraf Hakimi, 5. Markinos (6. Ilya Zabarniy, 59’), 51. Vilyam Pacho, 21. Lukas Ernandes (33. Uorren Zair-Emeri, 78’), 17. Vitinya, 8. Fabian Ruis, 87. Joau Nevesh, 10. Usmon Dembele (9. Ferran Torres, 20’), 14. Dezire Due (24. Senni Mayulu, 78’), 7. Xvicha Kvaratsxeliya (11. Magnes Akliush, 59’).
Zaxira: 30. Lyuka Shevale, 80. Adam Muak, 12. Lyuka Din, 4. Lukas Beraldo, 27. Dro Fernandes, 22. Mika Godts, 47. Kenten Njantu.
“Barselona”: 1. Joan Garsiya, 5. Pau Kubarsi, 2. Joau Kanselu, 18. Jerard Martin, 12. Xavi Espart (3. Aleks Balde, 74’), 8. Pedri (6. Gavi, 60’), 17. Entoni Gordon, 10. Lamin Yamal, 20. Dani Olmo (7. Fermin Lopes, 27’), 22. Mark Bernal (16. Rodri, 60’), 11. Rafinya (14. Karim Adeyemi, 60’).
Zaxira: 13. Voycex SHHensni, 25. Dominik Livakovich, 41. Aleks Kampos, 4. Brayan Farinyas, 21. Frenki de Yong, 9. Gabriel Jezus, 29. Xamza Abdulkarim.
Ogohlantirishlar: 17 - Joau Kanselu
90+3. O'yin yakunlandi.
90. O'yinning asosiy vaqtiga 3 daqiqa qo'shib berildi.
88. Yamalning erlatib bergan zarbasi rekoshetga uchrab, maydonni tark etdi.
87. Haa, do'stlar, bu PSJ bekorga ketma-ket ikki karra YCHLni yutmadi.
86. GOL! Ruis o'yin masalasini hal qildi! Ashraf o'ngdan jarima maydonchasiga kirib borib, to'pni uzatdi,Fabian bo'sh darvozani ishg'ol qildi!
83. Maydon markazida kurashlar boshlanib ketdi, asabiy daqiqalar boshlandi!
82. Dahshat o'yin, super o'yin!
81. GOL! Vitinya hisobni yana oshirdi! Portugaliyalik yarim himoyachi o'ziga uzatilgan to'pni darvozaga ajoyib tarzda yo'lladi va bu aniq bo'ldi!
80. Oxirgi dekada boshlandi va endi bu super o'n daqiqalik bo'ladi!
79. GOL! Yamal hisobni tenglashtirdi! Lamin o'ngdan jarima maydonchasiga kirib borib, zarba berdi va gol urdi!
77. Duening zarbasidan so'ng to'p rekoshetga uchrab, to'g'ri Garsiyaning qo'liga borib tushdi.
73. Tashabbus “Barsa”ga o'tgan bir pallada PSJ hisobda oldinga chiqdi. Endi kataloniyaliklar nima qilishar ekan?!
72. GOL! Ernandes hisobni oshirdi! Burchakdan uzatilgan to'pni Lukas bosh bilan darvozaga kiritdi!
71. Ashrafning uzatmasidan so'ng Ferran zarba berdi, biroq to'p ustunga tegib qaytmoqda…
66. Kanselu o'ng o'tkir burchakdan kuchli zarba berdi, Safonov qaytarib yubordi!
61. Safonovdan seyv! Gavi o'ta qulay vaziyatdan gol ura olmadi…
60. Ayni vaqtda “Barsa”da ham uchta o'zgarish amalga oshirildi.
59. Bir o'yinda uchta jarohat orttirib oldi PSJ. O'zi undan avvalroq Nunu Mendesh jarohat olgandi…
58. Dahshat, Xvicha va Markinos jarohat oldi! Ular almashtirilmoqda…
57. Rafinya qulay vaziyatdan zarba berdi, ammo noaniq bo'ldi.
56. Endi o'yin “yonadi”!
55. GOL! Espart hisobni tenglashtirdi! Ferminning uzatmasidan so'ng Xavi jarima maydonchasiga kirib aniq zarba berdi!
53. Due nima qilyapti? Fint bilan to'pni sherigiga uzatmoqda! Favqulodda talant!
51. Ashraf birga-bir vaziyatga chiqib bordi, zarba berdi va Garsiyadan super seyv!
48. Bernaldan endi zarba bo'ldi, bunisi noaniq.
47. Xvicha darvozaga zarba berdi, biroq to'p raqib himoyachilaridan o'tmadi.
46. Ikkinchi bo'lim boshlandi.
45+4. Dastlabki bo'lim yakunlandi.
45+3. Yana bir zarba Ruisdan, bunisini Garsiya ushlab oldi.
45+3. Duening jarima maydonchasi tomon uzatgan to'piga Ashraf zarba bera olmadi.
45+2. Fabian tepgan to'p osmon-u-falakka yo'l oldi.
45. Birinchi bo'limga 3 daqiqa qo'shib berildi.
45. Xvichadan uzoqdan zarba bo'ldi, Garsiyadan yana bir seyv!
42. Boya Fermin Lopes tasodifan Pachoning yuziga zarba berib yuborgan edi, unga tibbiy yordam ko'rsatilmoqda
40. Fermin birga-bir vaziyatga chiqib bordi, darvozaga zarba berdi, Safonovdan super seyv!
39. Yamalning xatosidan so'ng hisob ochildi o'yinda, endi “Barsa” shiddatni oshirishi aniq!
38. GOL! Duedan ajoyib gol! Dezirening uzoqdan bergan zarbasi golga aylandi!
36. Temp birozgina tushdi, hujumlar xavfli tus olmayapti.
31. Xvichaning uzoqdan tepgan to'pini Garsiya qaytardi.
29. Dahshat! Bir nechta zarba berdi PSJ, avval Torres, keyin Ruis, ammo Garsiya seyvlar ko'rsatdi!
27. Bo'ldi, Dani o'yinni davom ettira olmaydi, Lopes o'yinga qo'shildi.
26. Endi “Barsa”da, Olmo jarohat oldi. O'rniga tushishga Fermin tayyorlanmoqda.
25. Ferran Torres zo'r aziyadan gol ura olmadi, Garsiyadan super seyv!
22. Yamalning uzoqdan bergan zarbasi aniq bo'lmadi.
20. Rafinyaning zarbasini Safonov qaytardi!
20. Ha, majburiy o'zgarish, katta yo'qotish! Dembele o'rniga Torres tushdi!
19. Ferran Torres tayyorlanmoqda maydonga tushishga!
19. Dembele jarohat oldimi? U murabbiylarga shunga o'xshash ishora bermoqda…
18. Rafinya qarshi hujumga qochib kyetib, Ashrafdan o'tdi, ammo Ernandes himoyani “tozaladi”!
14. Olmoning uzoqdan tepgan to'pi biroz noaniq ketdi…
10. Rafinyaning havolatib uzatgan to'pidan so'ng sherigi uni Gordonga uzatdi, ammo angliyalik futbolchi zarba bera olmadi darvozaga.
7. Kubarsining bosh bilan yo'llagan zarbasidan so'ng to'pni Safonov ushlab oldi.
7. Pedri bir nechta futbolchidan o'tib kyetib darvoza tomon zarba yo'lladi, ammo himoyachilar “blok” qo'yishdi.
5. Yana zarba PSJdan, bu safar Due ijrosida bo'ldi va buni ham Garsiya ushladi.
5. Dembelening erlatib bergan zarbasidan so'ng to'pni Garsiya ushlab oldi.
3. Xvichaning uzoqdan tepgan zarbasi darvoza ustuniga tegib qaytdi!
2. Hakimi o'ngdan oldinga yurish qilgandi, biroq to'pni sherigiga uzatib bera olmadi.
1. O'yin boshlandi!
Assalomu alaykum qadrli futbol ixlosmandlari! Sizlarni UEFA Chempionlar ligasi 3-turidan o'rin olgan PSJ - “Barselona” bahsining matnli translyatsiyasini kuzatib borishga taklif etamiz!
Teglar: maydonida, “barselona”ni, ishonchli, hisobda, maglub, etdi,
← Bosh sahifaOrqaga →
Bosh sahifaga
203