Guti Vinisius va Mbappe "Real"da birgalikda muvaffaqiyatli o'ynay olishiga ishonadi
/ Kiritdi: BestMaster O'qilgan: 480
"Real" sobiq yarim himoyachisi Guti madridliklar a'zolari Vinisius Junior va Kilian Mbappe bir tarkibda bemalol muvaffaqiyatli to'p tepa olishiga ishonch bildirdi.
"Jamoada muammolar yuzaga kelganda, doimo yulduz futbolchilarni ayblashadi, go'yoki hammasi u yoki bu o'yinchining aybidek ko'rsatiladi. Men ularning birgalikda o'ynay olishiga ishonaman - ular istalgan jamoa o'z safida ko'rishni orzu qiladigan eng yuqori saviyadagi futbolchilardir.
Ehtimol, hozir Vinisius "Real" muxlislari kutgan darajadagi sport formasida emasdir. Uning faoliyatida ajoyib mavsumlar bo'lgan. Ayni damda u o'zining eng yaxshi holatida emas, biroq barcha uning avvalgi saviyasiga qaytishini kutmoqda", – dedi Guti “El Chiringuito” efirida.
26 yoshli braziliyalik futbolchi 2026/27 yilgi mavsum 11 ta uchrashuvda maydonga tushib, 1 ta gol urdi va 3 ta golli uzatmaga mualliflik qildi.
9 turdan so'ng "Real" Ispaniya chempionati turnir jadvalida 21 ochko bilan 3-pog'onani egallab turibdi. Madridliklar 25 oktyabr kuni La Liganing 10-turi doirasida "Barselona"ga qarshi "El Klasiko"da maydonga tushadi.
Teglar: vinisius, mbappe, realda, birgalikda, muvaffaqiyatli, oynay, olishiga, ishonadi,
← OldingaOrqaga →

Bosh sahifaga
956
23 Oktyabr 2026, 13:32