Legionerlarimiz. Karimov jamoasida g'alaba, "Sabah" durang o'ynadi va boshqa natijalar
/ Kiritdi: BestMaster O'qilgan: 2150
Kecha O'zbekiston MTJ a'zolarining bir qator futbolchilarining jamoalari o'z chempionatlarida navbatdagi uchrashuvlarini o'tkazishdi.
Xususan, Behruz Karimov harakat qilayotgan "Lugano" jamoasi Shveytsariya chempionatining navbatdagi turida "Tun" jamoasi mehmoni bo'ldi. Uchrashuv mehmonlarning 2:3 hisobidagi g'alabasi bilan yakunlandi. "Lugano" safida Behruz Karimov asosiy tarkibda maydonga tushdi. "Lugano" ayni vaqtda turnir jadvalida 31 ochko bilan birinchi o'rinda bormoqda.
Ozarbayjon chempionatining navbatdagi turida "Sabah" "Qorabog'"ni mehmon qildi va uchrashuv 0:0 hisobida yakunlandi. Mezbonlar safida Umarali Rahmonaliev to'liq 90 daqiqa harakat qildi. Ayni vaqtda "Sabah" 20 ochko bilan turnir jadvalini boshqarib bormoqda.
Rossiya chempionatining 12-turida "Dinamo Maxachkala" turnir yetakchisi "Zenit"ga qarshi bahs olib bordi va 0:2 hisobida imkoniyatni boy berdi. "Dinamo" safida Mahmud Mahamadjonov asosiy tarkibda maydonga tushdi va 83-daqiqada zaxiraga olindi. Ayni vaqtda Maxachkala jamoasi turnir jadvalida 13 ochko bilan 10-o'rinda borishmoqda.
Eron chempionatining navbatdagi turida "Persepolis" o'z uyida kutilmaganda "Fulad"ga 0:1 hisobida mag'lub bo'ldi. Mezbonlar safida Igor Sergeev ikkinchi bo'lim o'rtalarida zaxiradan maydonga tushgan bo'lsa, Oston O'runov umuman maydonga tushmadi. "Persepolis" kechagi uchrashuvdagi mag'lubiyatga qaramasdan 20 ochko bilan turnir jadvalini boshqarib turibdi.
Teglar: legionerlarimiz, karimov, jamoasida, galaba, sabah, durang, oynadi, boshqa, natijalar,
← OldingaOrqaga →
Bosh sahifaga
267
Bugun, 12:58