Oston O'runov yana jarohat oldi
/ Kiritdi: BestMaster O'qilgan: 3144
Eronning "Persepolis" klubida to'p tepayotgan O'zbekiston milliy terma jamoasi yarim himoyachisi Oston O'runov yana jarohat oldi.
Futbolchi shu sababli "Fulad"ga qarshi uchrashuvni o'tkazib yubordi.
“Varzesh3” nashrining xabar berishicha, O'runov joriy mavsumda ilk bor jarohat bilan bog'liq muammoga duch keldi. O'zbekistonlik futbolchi "Mes Shahribobak"ka qarshi uchrashuvda asosiy tarkibda maydonga tushgan, biroq tanaffusda almashtirilgan edi.
O'sha o'yindan keyin "Persepolis" murabbiylar shtabi O'runovning almashtirilishiga mushaklardagi og'riq sabab bo'lganini, futbolchining salomatligi bilan tavakkal qilmaslik uchun shunday qaror qabul qilinganini ma'lum qilgandi. Biroq u keyingi uch kun davomida jamoa mashg'ulotlarida ishtirok etmadi va "Fulad"ga qarshi bahsni ham o'tkazib yubordi.
Nashrning takidlashicha, O'runov so'nggi ikki yarim mavsum davomida jarohatlar sababli bir qator uchrashuvlarni o'tkazib yuborgan. Bu davrda futbolchi etti marta jarohat olgan.
Hozircha 25 yoshli futbolchining qachon safga qaytishi noma'lum. Shuningdek, u noyabr oyidagi FIFA kunlari oldidan "Persepolis"ning qolgan ikki uchrashuvida ishtirok eta oladimi yoki yo'qmi, aniqlik kiritilmagan.
Teglar: oston, orunov, yana, jarohat, oldi,
← OldingaOrqaga →
47095215373993132 
Bosh sahifaga
246
Bugun, 12:13